ایرانیان په لاریونونو کې د وژل شويو کسانو وير کوي
په ايران کې د حکومت ضد لاريونونو پر مهال د وژل شوي احتجاج کوونکي علیرضا رحیمي کورنۍ او ملګرو د هغه د زېږېدو د کلیزې پر ورځ په هغه هېواد کې شمعې بلې کړې او د هغه د خوښې سندرې یې وغږولې. دا په داسې حال کې ده چې په ټول ایران کې د لاریونوالو پر ضد د حکومت د سختو عملياتو يوه اونۍ واوښته. د بشري حقونو سازمان هرنا په وینا، رحیمي د ایران په هغو شاوخوا ۴،۹۰۰ کسانو کې شامل دی چې د مظاهرو پرمهال وژل شوي ول. د مشال راډيو د ايرانۍ څانګې فردا ويډيويي رپورټ: