مصر کې نجونې د پهلوانۍ روزنه ترلاسه کوي
د مصر په منصوره ښار کې د الشال او منشیه په نوم د لوبو په یو وړوکي مرکز کې نجونې د پهلوانۍ او ځينو نورو لوبو روزنه ترلاسه کوي. روزونکي وايي چې هغوی د حکومت لخوا پوره مالي ملاتړ او نوي الات نه لري خو پر هغه سربېره یې داسې لوبغاړي پیدا کړي دي چې په ملي او نړیوالو سیالیو کې یې برياليتوبونه ترلاسه کړي دي. انیسې اجمل په دې اړه د رویټرز خبري اژانس له ویډیو دا راپور جوړ کړی دی.