انګلينډ پاکستان ته د څلورو ۲۰ اووره سياليو په لوبلړۍ کې ماتې ورکړې ده.
د مې پر ۳۰مه د انګلينډ په اوول لوبغالي کې د لوبلړۍ وروستۍ سيالۍ کې پاکستان لومړی توپوهنه وکړه او په ۲۰م اوور کې يې د ټولو لوبغاړو په زيان ۱۵۷ منډې وکړې.
په ځواب د انګلستان لوبډلې ټاکلی هدف د درو لوبغاړو په زيان په ۱۶م اوور کې پوره کړ او لوبه يې وګټله.
تر دې وړاندې هم د لوبلړۍ يوه سيالي انګلستان ګټلې وه او نورې دوې د باران له امله بې نتيجې پای ته رسېدلې وې.
