د بلوچستان په سيوۍ کې د ترهګرۍ مخنيوي څانګې ډي اېس پي خالد زمان مري په يو وسله وال بريد کې وژل شوی دی.
د سيوۍ د پوليسو مشر اېس پي عنايت الله بنګلزي مشال رېډيو ته وويل چې د پولیسو دغه چارواکی د مارچ پر ۱۵مه د یو وسله وال تن لخوا په ډزو سخت ژوبل شو چې بیا وروسته یې په روغتون کې ساه ورکړه.
د سېوۍ پوليس وايي بريد کونکی چې د ډي اېس پي محافظ لخوا په ډزو ژوبل شوی وو، هم په موقع نيول شوی دی. نوموړی وايي تر اوسه معلومه نه ده چې د حملې ترشا محرکات څه وو؟ او نه هم کومې وسله والې ډلې تر دې دمه د بريد زمه واري منلې ده.
د بلوچستان په سېوۍ کې په تيرو وختونو کې د اکثرو بريدونو زمه واري بلوڅو وسله والو ډلو پر غاړه اخیستې ده.
