پاکستان وايي په ايران کې يې بېلتونپاله بلوڅان په نښه کړي دي
پاکستان ویلي دي چې د ایران په سیستان - بلوچستان ولایت کې یې د "ترهګرو پر پټنځایونو بریدونه" کړي دي. د پاکستان د بهرنیو چارو وزارت ویلي چې د جنورۍ پر ۱۸مه سهار وختي شوي بریدونه "خورا منظم او دقیق" ول چې پکې "یوشمېر ترهګر" وژل شوي دي. تهران ويلي چې په هغو بريدونو کې د څلورو ماشومانو او درو ښځو په ګډون نهه کسان وژل شوي دي. د ایران د کورنیو چارو وزیر احمد وحیدي د جنورۍ پر ۱۸مه خبريالانو ته ويلي چې په وژل شویو کې "هېڅ یو ایرانی نه شته". ويډيو رپورټ.