د جړاوالا ښار اوسېدونکي وايي تاوتریخوالي وېرولي دي
د پاکستان د پنجاب د فیصل اباد په جړاوالا کې پولیسو د کلیساګانو سوځولو او عیسویانو پر کورونو د بریدونو په تور لسګونه کسان نیولي دي. په همدې حال کې په ښار کې د نیم پوځي ځواک رېنجرز سرتېري ځای پر ځای شوي او ګزمې کوي. د اګست پر ۱۶مه پر دوو عیسویانو د اسلامي مقدساتو د سپکاوي تر تور وروسته بلوې وشوې چې پکې پارېدلو خلکو پر کلیساګانو حملې وکړې. حکومت وايي، د پېښې پلټنې یې پیل کړې دي. د رویټرز اژانس له ویډیوګانو جوړ رپورټ.