د اوکراين ولسمشر وولوديمير زېلېنسکي وايي بيړنيو کارکوونکو یې شپږ مېلیونه وګړو ته بجلي بحاله کړې ده.
زېلېنسکي د ډېسېمبر پر ۱۷مه په ويډيويي وينا کې وويل چې برېښنا د اوکراين د انرژۍ پر بېخبنا د روسیې د تېرې ورځې تر بريدونو وروسته، په تېرو ۲۴ ساعتونو کې بحال شوې ده.
نوموړي د روسیې بريدونه "ترهګري" وبلله او و يې ويل چې لا هم په ځينو ځایونو کې د بیارغونې کار روان دی.
دا تر هغې وروسته ده چې د روسيې ځواکونو د ډېسېمبر پر ۱۶مه د اوکراين پر ګڼو ښارونو تر ۷۰ زیات توغندي وویشتل.
د دې له کبله خلک په سخته یخنۍ کې په کورونو کې د بخاريو چلولو لپاره له بجلۍ او د څښلو له اوبو بې برخې شول.
