شمالي وزيرستان کې هدفي بريدونه: پرلتوالو ټولې لارې او تجارتي مرکزونه تړلي
په شمالی وزیرستان کې د هدفي بریدونو پرضد د میرلي په ایدکو (عیدکو) او میرامشا کې روان احتجاج د ضلعې ټولو برخو ته غځېدلی دی. احتجاج کوونکو هغې قبايلي ضلعې ته تللې ټولې مرکزي لارې د ټرافيک پر مخ تړلي او ورسره يې د میرامشاه، میرلي، غلام خان او دته خېل ټول بازارونه او تجارتي مرکزونه هم تړلي دي. د پرلت مشرانو د احتجاج پراخولو پرېکړه تر هغې وروسته کړې وه چې د اګست پر دویمه یې له ځايي انتظامیې سره مذاکرات بې نتیجې پای ته ورسېدل.