په مشال مرکه کې مو د پېښور پوهنتون د فلسفې څانګې استاد ډاکتر شجاع احمد مېلمه کړی دی. نوموړي په افغانستان کې د ترهګرۍ پرضد د جګړې پر ژبه او منطق د خپلې دوکتورا تیسېس یا څېړنیزه مقاله لیکلې وه. ډاکتر احمد وايي، فلسفه د ژوند لپاره ډېر ارزښت لري او په خلکو کې زغم پیدا کوي. د ده په خبره ځوانانو ته په کار ده چې سياسي شعور پوخ کړي او په ټولنه کې مثبت کردار ولوبوي. د پروګرام کوربه ګل اياز دی چې تاسې یې د غږ په ځای کې اورېدای شئ.