دامریکا کورني امنیت اداره وایي حکومت به د مهاجرت طریقه کار داسی تنظیم کړی چی دنویو ورغلیو افغانانو د میشتولو چارې ګړندۍ کړي.
د طالبانو له خوا د افغانستان تر نيولو وروسته امريکايي پوځ په لسګونه زره افغانان له هغه هېواده اېستلي او دا مهال ۷۰ زره افغانان امريکا ته رسېدلي دي. هوم لېنډ سکيورټي د نومبر اتمې نېټې په بيان کې ويلي چې هغه افغانان چې د سږکال د جولايي پر ۳۰مه يا تر هغې نېټې وروسته امريکا ته رسېدلي د مستقل استوګني اسناد او کاري اجازت نامو اخيستلو لپاره له اسان طريقه کاره ګټه واخلي.
دوی به فيسونه نه ورکوي چې دا په زرګونه ډالره جوړېږي. د بیان له مخې د هوم لېنډ سکيورټي مشر علي جاندرو مايورکاس ويلي چې دا اقدامات له هغو افغانانو سره د دوی د روان هوډ څرګندوي کوي چې په تېرو دوو لسېزو کې يې له امريکا سره ګرانقدره مرسته کړې او له هغو سره هم چې دا وخت له خطر سره مخامخ دي.
