ايران په ځینو مشخصو ټولنیزو او اقتصادي برخو کې خورا شاته دی: رييسي
د ایران ولسمشر ابراهیم ريیسي ويلي چې هیواد یې په ځینو مشخصو ټولنیزو او اقتصادي برخو کې خورا شاته دی.
هغه منلې چې د ايران وضعیت باید بدلون ومومي او دا چې حکومت باید د خلکو د ژوند شرایط ښه کړي.
ریسي دا څرګندونې نن (د اګست پر ۲۶مه) د خپلې کابینې د لومړۍ غونډې په پیل کې وکړې.
د ایران خلک نه یوازې د کورونا وايرس ډېلټا بڼې له جدي ګواښ سره مخامخ دی، بلکې د واشنګټن لخوا لګول شویو بندیزونو هم د دې هېواد اقتصاد ته سخت زیان اړولی دی.