اسلام اباد کې د ورکو بلوڅانو د موندلو لپاره احتجاجي ناسته روانه ده
د پاکستان په پلازمېنه اسلام اباد کې د ورکو بلوڅانو د کورنیو غړو خپلې احتجاجي ناستې ته دوام ورکړی. دې پرلتوالو د فبروۍ پر ۱۱مه خپل احتجاج پیل کړی او وايي، د وزیراعظم عمران خان تر ورتګه احتجاج نه ختموي. هلته وزیراعظم عمران خان حکومتي وزیرانو ته امر کړی چې د خلکو د ورکولو پر ضد دې ژر تر ژره قانوني مسوده تیاره کړي. د اطلاعاتو او خپرونو چارو وزیر شبلي فراز د فبرورۍ پر ۱۷مه د کابینې تر غونډې وروسته خبریالانو ته وویل چې د بشري حقونو چارو وزیرې شیرین مزارۍ په غونډه کې د ورکو کسانو پر مسلې خبرې وکړې. په اسلام اباد کې په احتجاج ناست کسان وايي، حکومت دې یې د کورنیو غړي پیدا کړي او که جرم یې کړی وي، نو عدالت ته دې یې وړاندې کړي. ویډیويي رپورټ.
د فېسبوک تبصرې