حکومت دې د پښتنو په سیمو کې امنیت ټینګ کړي: پښتین
د شمالي وزیرستان په مرکز میرامشا کې د پښتون ژغورنې غورځنګ جلسې ته زرګونه خلک ورغلي ول. جلسې ته په وینا کې د غورځنګ مشر منظور پښتین او نورو مخکښانو په سیمه کې پر هدفي بریدونو اندېښنه وښووله او پر حکومت یې د امنیت ټینګښت غږ وکړ. پښتین وویل، ولس دې حکومت له هر بریده خبروي او ورڅخه دې پوښتنه کوي. د شمالي وزیرستان انتظامیې او امنیتي چارواکو په بیا بیا ویلي چې د امنیت ټینګښت ته ژمن دي او په هدفي بریدونو کې ککړ وسله وال د قانون منګولو ته سپاري. له دې علاوه پوځ په تېرو میاشتو کې په هدفي حملو کې د ککړتیا په تور د ځینو وسله والو د وژنو دعوې هم کړې دي. د میرامشا جلسې په اړه ویډیويي رپورټ.
د فېسبوک تبصرې