د پاکستان وزير اعظم عمران خان وايي، د جون له ۲۱مې نړيوال پروازونه لپاره به هوايي حريم په عارضي توګه پرانېزي.
وزير اعظم عمران خان د جون پر ۲۰مه پر ټويټر پاڼه ليکلي چې د کورونا وايرس وبا له کبله په بهر هېوادونو کې مېشت پاکستانيان تر ټولو زيات اغيزمن شوي خو دوی حوصله پر ځای ساتلې.
هغه زياته کړې چې حکومت به د دوی واپسي لپاره هر ممکن ګامونه پورته کوي.
د پاکستان حکومت له بهرنيو هېوادونو پروازونو لپاره د جون پر ۱۷مه نوي پاليسي اعلان کړې وه چې ترمخه يې په يوه مياشت کې به تر دوه لکه کسان بېرته خپل هېواد ته راستانه کړي.
د پاکستان هوايي چلند ادارې د مارچ پر ۲۵مه د کورونا وايرس وبا له کبله د ملک دننه او بهر پروازونه په عارضي توګه بند کړي ول.