هنګري ویلي دي چې له ننه د کورونا وایرس د قرنطین قوانینو د سرغړونې په تور د ۱۴ ایرانیو زده کوونکو خپل هېواد ته د شړلو بهیر پیلوي.
د پولیسو یوه مشر رابرټ کېس د اپرېل پر ۱۵مه تور پورې کړ چې په مارچ کې د بوداپېست په یوه روغتون کې قرنطین شویو ایرانیانو "په بېشرمۍ غیر سماجي او پر تشدده برخورد ښوولی" وو.
نوموړي په خبري غونډه کې وویل چې ۱۱ زده کوونکي د اپرېل پر ۱۶مه ایران ته استوي او درې نور به د اپرېل پر ۲۳مه شړي.
دا اقدام تر هغې وروسته کېږي چې د هنګري د روغتیا وزارت شکایت وکړ او پر هغوی یې تور پورې کړ چې بې له اجازې د روغتون له خونو وتلي ول او حفاظتي لباس یې نه وو اغوستی.
د هنګري هېلسېنکي کمېټۍ په نوم د بشري حقونو یوې ډلې چې د زده کوونکو استازیتوب کوي د بوداپېست تورونه "بې معنا او بې منطقه" بللي دي.
