ایران وايي د تېرې ورځې راهیسې هلته له کورونا وایرسه د ۱۳۵ نورو کسانو په مړینې سره په دغه هیواد کې له وایرسه د وژل شویو کسانو شمېر ۹۸۸ نهه سوه اته اتیاو ته رسېدلی. دا په ایران کې په کورونا کېسونو کې ۱۳ فیصده زیاتوالی ښيي.
د مړو شمېر نن د ایران روغتیا وزارت ویاند کیانوش جهانپور پر ټيليوژن په خبري غونډه کې ورکړ.نوموړي وویل په ۱۱۷۸ نورو کسانو کې د وایرس تصدیق پس په هیواد کې د وایرس ځپلو شمېر ۱۶۱۶۹ ته رسېدلی.
په عین حال کې ایران په هیواد کې د کورونا وایرس خپریدو مخنیوي لپاره په موقتي ډول د شا او خوا پنځه اتیا زرو قیدیانو د خوشې کولو پریکړه کړې ده. د عدلیې ویاند غلام حسین اسماعیلي نن (( د مارچ پر ۱۷مه )) وویل چې په خوشې شویو کې سیاسي قیدیان شامل دي. اسماعیلي زیاته کړه چې په جیلونو کې یې هم حفاظتي تدابیر په پام کې نیولي دي.
د چین پس ایران له کورونا وایرسه زیات متاثره هیواد دی.
ایران په هیواد کې د کورونا وایرس خپریدو مخنیوي لپاره په موقتي ډول د شا او خوا پنځه اتیا زرو قیدیانو د خوشې کولو پریکړه کړې ده. د عدلیې ویاند غلام حسین اسماعیلي نن (د مارچ پر ۱۷مه) وویل چې په خوشې شویو کې سیاسي او پنځوس فیصده یې له امنیت سره تړلې قیدیان دي.
پاکستان د کورونا وايرس له وېرې د شل اووریزو کرکټ لوبو سيالۍ (پاکستان سپر لېګ) ودرولې. معلومه نه ده چې د دې لوبو سيمي فاينل او فاينل به کله کېږي.
د چين د اوهان ښار ډاکټران د خېبرپښتونخوا ډاکټرانو سره د ويډيو کنفرنس له لارې د کورونا وايرس د مخنيوي لپاره خپلې تجربې شريکوي. په اړه یې دا ويډيويي راپور وګورئ.
په پاکستان کې د کورونا وایرس د مریضانو شمېر په لاندې ډول دی.
سند ۱۷۲
پنجاب ۲۶
خیبر پښتونخوا ۱۶
بلوچستان ۱۶
ګلګت بلتستان ۵
اسلام اباد ۲