پر باچاخان د لیکوال ټنډولکر لیکلی کتاب پښتو ته واړول شو

د هند نیمې وچې ازادۍ مبارز خان عبدالغفار خان (باچاخان) پر سیاسي ژوند او جهدوجهد د هندي لیکوال دینانت ګوپال ټنډولکر لیکلی کتابFAITH IS A BATTLE (عقیده مبارزه ده) پښتو کړی چې مخکتنه یې د اکتوبر پر نهمه د پښتو ادبي ټولنې په مرسته په اسلام اباد پرېس کلب کې وشوه. پر دې مهال د کتاب ژباړونکي سید محمود احمد، سیاستوال افراسیاب خټک، م.ر. شفق، خبریال طاهر خان او نورو لیکوالانو او شاعرانو په خپلو ویناګانو کې دا کتاب د پښتنو لپاره ګټور وباله او هیله یې وښودله دا به ډیر ژر د نصاب برخه وګرځول شي. د عمران یونس ویډیو راپور وړاندېکونکی سیراج ظهیر