طالبانو سره خبرو کې د افغان حکومت ګډون اړین دی: اسفندیار
د عوامي نیشنل ګوند مشر اسفندیار ولي خان ویلي دي چې له طالبانو سره په خبرو کې د افغان حکومت ګډون اړین دي. نوموړي د جنورۍ پر ۲۶مه د باچا خان او ولي خان تلینونو په مناسبت د اوونۍ پای غونډې ته په وینا کې وویل، د سیمې امن او ثبات لپاره موافقه د افغان حکومت له شمولیت پرته نشي کېدای. غونډې ته په پېښور کې افغان قونصل محمد هاشم نیازي هم وینا وکړه او پر طالبانو یې له حکومت سره د خبرو غږ وکړ. طالبانو تر اوسه له افغان حکومت سره له مخامخ خبرو انکار کړی. ویډیويي رپورټ وګورئ.