نن سهار د باجوړ په واړه ماموندو کې په یوه وسله وال برید کې د لېویز ځواکونو نایب صوبیدار فراز خان وژل شوی دی. نوموړی نن سهار په دغه سیمه کې یوه ځايي روغتون ته د ګوزڼ مخنیوي کارکونکيو له ورغلی وو چې په واپسۍ کې پرې برید شوی.
د باجوړ ضلعې د ډپټي کمشنر دفتر مشال راډیو ته وویل چې نایب صوبیدار د واړه ماموندو د ډبرشا کلي په یوه صحي مرکز کې د پولیو کارکونکیو د امنیت ساتنې لپاره د ټیمونو ګومارلو وروسته خپلې پوستې اړخ ته روان شوچې پر لار ورباندې وسله والو ډزې وکړې او د ګولیو له لګیدو سره ووژل شو.
د دې پېښې زمه واري لا هم چا نه ده منلې.
یاده دې وي چې د ماموندو په شمول د باجوړ په بېلا بېلو سیمو کې موده وړاندې داسې پېښې شوې چی پکې د لېویز ځواکونو، پولیو ضد کارکوونکیو او د سیمی د امن لښکرو په شمول حکومت پلوه مشران او عسکري غړي په نخښه شوي دي.
خو له څه مودې پس نن یو وار بیا د پولیو مخنیوي کمپاین کی د لیویز غړې په نخښه شوې. د پخوانیو پیښو زمه واري هغه وخت وسله والو طالبانو منلې خو د اوسنۍ هغې زمه واري لا هم چا نه ده منلې.
