امریکا د سېپټمبر په ۱۷مه نېټه، د ملګرو ملتونو د امنیت شورا یوه بېړنۍ غونډه بللې ده چې پکې به په هغو ملکونو د فشار اچولو خبرې کېږي کوم چې د شمالي کوریا خلاف له بندیزونو سرغړونه کوي.
په ملګرو ملتونو کې د امریکا مشن د تېرې جمعې په ورځ په یو بیان کې ویلي چې دا غونډه یې په دې رابللې ده چې ځینې غړي هېوادونه د شمالي کوریا خلاف د بندیزونو په عملي کولو کې خنډ اچوي.
د غونډې اېجنډا په شمالي کوریا د ملګرو ملتونو د بندیزونو عملي کول دي.
په دغه بیان کې دا نه دي ویل شوي چې کومو هېوادونو له بندیزونو سرغړونه کړې خو په ملګرو ملتونو کې د امریکا سفارتکارې نیکې هیلې د تېر زیارت په ورځ په روسیې تور ولګاوه چې د ملګرو ملتونو د هغه راپور د بدلولو هڅه کوي چې پکې ویل شوي ماسکو د دغو بندیزونو مبینه سرغړونه کوي.
نېکې هیلې او ځینې نور سفارتکار دا دعوه کوي چې روسیه په ازادو څارونکیو د دغه رپوټ د بدلولو لپاره فشار اچوي.
