د شمالي وزیرستان په میرعلي کې بېګا ماښام په یوه هدفي پيښه کې یو تن وژل شوی دی.
چارواکیو په دوشنبه مشال رېډیو ته وویل، ناڅرګندو وسله والو یوه ځوان کس عمران په ډزو وژلی دی او بریدګر په تېښته بریالي شوي دي.
د سیمي اوسېدنکي وايي، د یوې اندازې له مخې په شمالي وزیرستان کې د سږني کال له فېبرورۍ راهیسې په ۲۶ هدفي پېښو کې ۳۵ تنه وژل شوي دي.
څو ورځو وړاندې په میرعلي کې ناڅرګندو وسله والو په کور دننه مور د هغې یو زوی او یو زوم په ډزو وژلي ول.
په دا ورستیو کې په شمالي وزیرستان کې د هدفي وژونو پرضد پښتون ژغورنې غورځنګ او د ځوانانو تنظیمونو غړیو احتجاجونه هم کړي دي.
