د کډوالو نړیوال سازمان ای او ایم وايي، د روان کال په لومړیو شپږو میاشتو کې تر ۴۶۳ زره زیات افغان کډوال له ایران او ګاونډي هېواد له پاکستانه خپل هېواد ته ستانه شوي دي.
د ادارې په هفته وار رپورټ کې چې د سه شنبې په ورځ خپور شوی، ویل شوي چې په دې کې زیاته برخه کډوال له ایرانه ستانه شوي دي چې شمېر یې ۴۴۲زره جوړېږي.
د افغانستان د کډوالو او ستنیدونکو د چارو وزارت دغه شمېر تاییدوي او وايي چې د کډوالو لپاره د انتظاماتو برابرولو کار روان دی.
په عین حال کې د افغانستان د سوادګرۍ او صنایع خونه وايي، په ایران کې روان اقتصادي بحران به د افغانستان پر معیشت هم منفي اثرات پرېباسي.
