د ملګرو ملتونو یوه ځانګړي استازي ویلي دي چې د سپېټېمبر پر شپږمه نېټه د یمن په جګړه کې ښکېلې خواوې جینیوا ته خبرو ته ورغواړي چې د سولې بهیر بیا پیل کړي.
یمن په عربي هېوادونو کې تر ټولو غریب د یچې پکې له شاوخوا څلورو کلونو راهیسې د سعودي پلوي حکومت او ایران پلویو حوثي یاغیانو ترمنځ کورنۍ جګړه روانه ده.
په دې جګړه کې شاوخوا ۱۰ زره کسان وژل شوي او اته میلیونه وګړي یې د لوږې ښکار دي.
ملګري ملتونه وايي، دا د نړۍ بدترین بشري ناورین دی.
د ملګرو ملتونو استازي مارټېن ګرېفېتس بېګا په نیویارک کې د امنیت شورا ته په وینا کې وویل چې دی پر دې ښه پوه دی چې هلته هره ورځ خلک مري چې دوی ژغورلای شول.
