د خیبر پښتونخوا د ټانک پولیسو وايي، د لسم جماعت د یو زده کوونکي د وژلو په تور کې یې یو کس نیولی او په بل پسې ګرځي.
دا خبره د ټانک پولیسو مشر شاه نظر خان د پنجشنبې په ورځ مشال راډیو ته وکړه.
ده وویل، خلکو احتجاج ختم کړی دی.
دا له هغه وروسته ده چې د وژل شوي عرفان نومي هلک تره عبدالستار مشال راډیو ته وویل چې هغه پولیسو هغه مهال د شک پر بنیاد وژلی چې له یو بل ملګري سره پر موټر سایکل سپور وو.
د هلک مړی اوس په پلارني کلي علي خېل کې خاورو ته سپارل شوې ده.
