تمه ده چې راتلونکې اونۍ د پاکستان یو جګپوړی پلاوی د کډوالو پر مسلې د خبرو لپاره کابل ته ورشي.
د افغانستان د کډوالو او راستنیدونکو چارو وزیر سید حسین عالمي بلخي پرون په کابل کې خبريالانو ته وویل چې له دې پاکستاني پلاوی سره به په پاکستان کې د میشتو افغان کډوالو په اړه خبرې وکړي.
په پاکستان کې خوا او شا یو میلیون او څلور لکه راجستر او اوه لکه نور غير راجسترډ افغان کډوال اوسي.
اسلام اباد ټینګار کوي چې دغه کډوال دې ژر تر ژره خپل هیواد ته ستانه شي.
