د مهاجرت نړيوال سازمان ای او ايم وايي چې د مېډيټرانيې په سمندرګي کې د کډوالو کشتۍ ډوبه شوې ده او د لږ تر لږه ۹۰ کسانو د مړه کېدو وېره ده.
سازمان د جمعې په ورځ په یوه بيان کې ويلي چې د رپورټونو له مخې ښايې ۹۰ کسان ډوب شوي وي.
بيان زياتوي چې د اتو پاکستانيانو او دوو ليبيايي وګړيو مړي د سمندر پر غاړه موندل شوي دي.
دوه کسانو په لامبو او يوه کس بيا کب نيونکيو ژغورلی دی.
ژغورل شوي کسان وايي چې په کشتۍ کې زياتره پاکستانیان سپاره ول.
