د لاسرسي ځای

تازه خبر

پاکستان د افغانستان د ((معلوماتو)) په اړه ((اقدامات)) کوي


په کابل او جلال اباد کې بریدونو سلګونه کسان وژلي او ژوبل کړي
په کابل او جلال اباد کې بریدونو سلګونه کسان وژلي او ژوبل کړي

پراګ - په اسلام اباد کې د افغانستان مرستیال سفیر زردشت شمس د جنورۍ پر ۳۱مه مشال راډیو ته وویل، په کابل او جلال اباد کې تر خونړیو بریدونو وروسته د افغانستان د کورنیو چارو وزیر ویس احمد برمک او د ملي امنیت رییس معصوم ستانکزی په یو ورځني سفر کې د پاکستان له وزیراعظم شاهد خاقان عباسي، د استخباراتي ادارې ای اېس ای له مشر او نورو لوړپوړو چارواکو سره ولیدل.

د ده په خبره، د پاکستان پوځ مشر جنرال قمر جاوېد باجوه له هېواده بهر وو.

شمس وايي، افغان پلاوي له پاکستانیو چارواکو سره د ترهګرۍ په اړه ((سپینې خبرې)) وکړې او پاکستاني وزیراعظم ته یې ((معلومات)) ورکړل او شاهد خاقان عباسي د ((اقداماتو)) ژمنه وکړه.

ده دا روښانه نه کړه چې افغان حکومت پاکستاني لوري ته څه ډول معلومات ورکړي.

له شمس سره د بشیر ګواښ مرکه

"پاکستاني چارواکو د ولسمشر غني د ځانګړي پېغام په ځواب کې د اقداماتو وعده وکړه"
تم شئ

هېڅ میډیايي سرچینه اوس نشته

0:00 0:02:03 0:00
د ډاېرېکټ لېنک


پاکستان ته د افغان پلاوي د سفر په اړه مو د هغه هېواد د بهرنیو چارو له وزیر خواجه اصف او د بهرنیو چارو د وزارت له ویاند ډاکتر محمد فیصل سره د رابطو هڅه وکړه خو بریالي نشو. البته د سېنېټ د بهرنیو چارو کمېټۍ ویلي چې اسلام اباد له کابل سره د اړیکو د سمولو کوشش کوي.

د دې کمېټۍ دوو غړو مشال راډیو ته وویل، حکومت ته یې سپارښتنه کړې چې د افغانستان په ګډون له ټولو ګاونډیو هېوادونو سره اړیکي ښه کړي.

د کمېټۍ غړی سید مظفر شاه وايي، سېنېټ غواړي چې د اسلام اباد او کابل تر منځ د باور فضا جوړه شي:

((زموږ کوشش دا دی چې د دواړو هېوادونو اړیکي ښه شي او د باور فضا جوړه شي. له دې سره به څه نا څه ښه والی راشي. موږ هیله من یو چې د پاکستان او افغانستان تعلقات به ښه شي. موږ دا باور لرو چې په افغانستان کې د سولې ټینګښت به د پاکستان کورنیو حالاتو ته ګټه ورسوي.))

په جنورۍ کې په کابل او جلال اباد کې لوی بریدونه وشول چې پکې د بهرنیو وګړو په ګډون سلګونه افغانان ووژل او ژوبل شول. د ځېنو حملو ذمه واري طالبانو او د ځېنو یې اسلامي دولت ډلې منلې.

پاکستان امریکايي ولسمشر نهیلی کړی: مېک ماسټر
تم شئ

هېڅ میډیايي سرچینه اوس نشته

0:00 0:03:54 0:00

تر حملو وروسته امریکا پر پاکستان غږ وکړ چې سمدستي دې وسله وال طالبان ونیسي او یا دې یې پر ضد اقدامات وکړي. اسلام اباد په بیا بیا وسله والو ته د پټنځایونو یا مرستو ورکولو تور ردوي خو کابل او واشنګټن دریځ لري چې هغه هېواد د ترهګرۍ پر ضد جګړې ته ژمن نه دی.

د پاکستاني سېنېټ د بهرنیو چارو کمېټۍ بل غړی سید طاهر حسین مشهدي وايي، دوی په مسلسل ډول په افغانستان کې د سولې هڅې کوي:

((موږ حکومت ته وویل چې په افغانستان کې مداخله ختمه کړي. اوس پاکستان په هغه هېواد کې لاسوهنه نه کوي. د سېنېټ د بهرنیو چارو له کمېټۍ علاوه، موږ د ټول سېنېټ له غړو یوه کمېټي جوړه کړې او په بیا بیا مو د افغانستان پر مسلې او د بهرنیو چارو پر تګلارې بحث کړی. تر خبرو وروسته موږ حکومت ته سپارښتنې کړې دي چې له ګاونډیو هېوادونو سره اړیکي ښه کړي.))

د پاکستان د سېنېټ د بهرنیو چارو کمېټي زیاتوي چې حکومت او پارلېمان په افغانستان کې ثبات ته ژمن دي.

XS
SM
MD
LG