د لاسرسي ځای

د افغانستان کام ايېر هوايي شرکت يوه مسافر وړونکې جټ الوتکه په چارشنبه د تاشکند پر نړيوال هوايي ډګر کښېناستله.

دا اول وار دى چې له کابله د ازبکستان پلازمېنې تاشکند ته يوه مستقيمه تجارتي الوتنه کېږي.

د ازبکستان حکومت تر دې مخکې ويلي وو، د کابل او تاشکند ترمنځ د مستقيمو پروازونو د پيل په اړه خبرې روانې دي او د ډسمبر له اتمې به د دواړو هېوادونو ترمنځ په اوونۍ کې دوه وارې مستقيمې الوتنې وشي.

تر دې مخکې له افغانستان څخه تاشکند ته مستقيم پروازونه نه‌وو او مسافر مجبور وو د استانبول يا دوبۍ له طريقه تاشکند ته د رسېدو لپاره له ١٧ څخه تر ٣٢ ساعتونو پورې اضافي وخت ولګوي.

اوس به له کابل څخه مسافر په ٩٠ دقيقو کې تاشکند ته رسېږي.

XS
SM
MD
LG