د پاکستان کرکټ ټیم پښتنه لوبغاړې حکومتي پاملرنه غواړي
د بلوچستان د عبدالله کلا ولسوالۍ اوسېدونکې د پاکستان ښځینه قامي کرکټ ټیم لوبغاړې ناهیده خان وايي که حکومت یې سرپرستي وکړي نو په صوبه کې به د ښځو کرکټ ډېر ژر وغوړېږي. ناهیده خان له ۲۰۰۹ م کاله په قامي ټیم کې لوبېږي چې په دا ورستیو کې یې په انګلستان کې په ټي ـ ۲۰ نړيوال ټورنمنټ کې د جنوبي افریقا خلاف ډېرې زیاتې منډې جوړې کړې وې. ناهیدې د کوټې ډېرې نجونې کرکټ لوبې ته هڅولې دي.د مشال راډیو خبریال ایوب ترین د کوټې په بګټي لوبغالي ورسره ویډیو مرکه کړې ده.
