د امریکا بهرنیو چارو دفتر وايي، په تېر یوه کال کې په ټوله نړۍ کې تر شل میلیونه زیات خلک د انساني قاچاق ښکار شوي دي.
دا خبره د یاد وزارت په هغه کلني رپوټ کې شوې ده چې هدف یې په ځانکړې توګه له مېرمنو او ماشومانو څخه د ناوړې ګټې مخه نیول دي.
رپوټ لیکي چې چین د هغو هېوادونو په سر کې دی چې په دغه مسله کې ښکېل دي.
د رپوټ په لیکنه، چین هلته د شمالي کوریا له مزدورانو ناوړه ګټه اخلي.
د امریکا بهرنیو چارو وزیر رېکس ټېلرسن د سېشنبې په ورځ ویلي، روس هم د شمالي کوریا په زرګونه مزدوران استعمالوي.
رپوټ لیکي چې میانمار، افغانستان، ملایشیا او قطر په دې لړ کې مثبت ګامونه پورته کړي دي.