اسوشییېټډ پرېس خبري اژانس د زيارت په ورځ د ناڅرګندو چارواکيو له خولې ويلي چې دا پرېکړه به د راتلونکې اوونۍ په لومړيو کې اعلان شي.
چارواکي وايي، د نويو عسکرو ډله به افغان عسکرو ته روزنه او سلامشوره ورکوي.
خو د پېنټاګون له ويانده چې د رپوټ په باب وپوښتل شول نو هغه ویل، تر اوسه لا هېڅ پرېکړه نه ده شوې.
د دفاع وزير جېمز مټیس د امريکا پارلېمان غړيو ته د زيارت په ورځ ويلي ول چې ولسمشر ټرمپ په افغانستان کې د عسکرو شمېر په اړه د فيصلې اختيار ورکړی دی.
امريکايي مطبوعاتو ويلي وو، جنرال مټیس به له درو تر پنځو زرو عسکر افغانستان ته د لېږلو وړاندېز وکړي چې دارنګه د افغان امنيتي عسکرو او طالبانو ترمنځ په ټپه ولاړ حالت بدل شي.
امريکا داوخت په افغانستان کې اته زره عسکر لري.
