د قبایلي سیمو اصلاحاتو لپاره د پاکستان حکومتي کمېټۍ غړی زاهد حامد وايي، د فاټا راتلونکي اییني او قانوني حیثیت په اړه یې د قبایلو له پارلېماني استازو سره مشورې بشپړې کړې دي.
نوموړي د زیارت په ورځ مشال راډیو ته وویل، د کمېټۍ غړي به اوس قبایلي سیمو ته ځي او هلته به پر اصلاحاتو خبرې اترې کوي.
زاهد حامد البته دا و نه ویل چې د کمېټۍ غړي به کله قبایلي سیمو ته ځي. هلته د پاکستان په پارلېمان کې د هغو سیمو استازي وايي، د کمېټۍ غړي باید د قبایلو د اوسنیو انتظامي چارواکو پر ځای له ولس سره خبرې وکړي او د اصلاحاتو په اړه د هغوی دریځ معلوم کړي.