د لاسرسي ځای

تازه خبر

خبرونه

امریکا: پر کلیسا برید کوونکی مشکوک کس نیول شوی

په امریکا کې پولیسو د جنوبي کیرولاینا پر یوې کلیسا د برید په تړاو یو ۲۱ کلن مشکوکه کس نیولی دی.

د چارشنبې پر ورځ د چارلسټن ښار د افریقايي – امریکايانو پر کلیسا په برید کې نهه کسان وژل شوي ول چې دا په امریکا کې په تېرو کلونو کې پر عبادتځای د بریدونو تر ټولو بده پېښه وه.

د ښار پولیسو مشر ګرېګري ملن وویل، د ډېلن راف په نوم دا کس یې له ګاونډي ایالت شمالي کیرولاینا نیولی دی.

پر کلیسا تر برید وروسته ولسمشر باراک اوباما د وسلو له کبله د پېښېدونکي تاوتریخوالي په قامي سطح د جاج اخیستو غږ (ږغ) کړی دی.

د نننۍ ورځې ټول خبرونه وګورئ

د بلوچستان سوداګرانو د کووېډ-۱۹ وبا کنټرول لپاره حکومتي محدودیتونه رد کړل

په پاکستان کې یو روغتیاپال یو کس ته د کووېډ-۱۹ چینايي واکسین لګوي.

د بلوچستان سوداګرانو د کورونا وایرس مخنیوي په موخه محدودیتونه رد کړي.

د سوداګرانو د ټولنې یوه مشر سید امردین اغا د اپرېل پر ۱۷مه مشال راډیو ته وار له مخه ځپل شوي نو ځکه بیا کاروبارونه نشي تړلای.

دا تر هغې وروسته ده چې د بلوچستان حکومت د کووېډ-۱۹ جهاني وبا کنټرول لپاره د اپرېل له ۱۷مې څخه د مې تر لومړۍ نېټې پورې محدودیتونه اعلان کړل.

حکومت ټولو سوداګرانو ته ویلي چې بازارونه او دوکانونه به د مازیګر تر شپږو وروسته تړي.

خو سوداګران وايي، د شپې تر ۱۰ پورې دې ورته د کاروبارونو خلاص ساتلو اجازه ورکړي.

دوی همداراز، د اپرېل پر ۱۷مه د صوبې د نورو ښارونو په څېر په کوټه کې هم دوکانونه خلاص ساتلي ول.

د کووېډ-۱۹ وبا په اړه د حکومتي ووبپاڼې په وینا، په بلوچستان کې د اپرېل تر ۱۸مې د کورونا وایرس د مثبتو پېښو شمېر ۲۰،۸۲۲ ته لوړ شوی چې ورڅخه یې ۲۲۳ کسان مړه شوي او ۱۹،۶۲۹ له ناروغۍ رغېدلي دي.

چېک جمهوریت۱۸ روسیو ډېپلوماټانو ته د هېواد پرېښودو امر وکړ

د روسیې سفارت وايي، د چېک جمهوریت د بهرنیو چارو وزارت سفیر ورغوښتی وو. د ارشیف انځور

چېک جمهوریت ۱۸ روسیو ډېپلوماټانو ته د هېواد پرېښودو امر کړی دی.

چېکي حکومت تر هغې وروسته پر دې ډېلپوماټانو د جاسوسۍ تور پورې کړ چې استخباراتو په ۲۰۱۴ز کال کې د وسلو په یوه ګودام کې په چاودنه کې د روسیې د پوځي اېجنټانو ککړتیا په ډاګه کړه.

د چېک جمهوریت وزیراعظم اندرې بابیش د اپرېل پر ۱۷مه وویل، دا پرېکړه یې د هېواد استخباراتي او امنیتي ادارو له لوري د ښکاره ثبوتونو پر اساس کړې.

د ده په خبره، په ۲۰۱۴ز کې د زلېن سیمې په وربېتېڅې ښار کې د وسلو په ګودام کې په چاودنه کې د روسیې د پوځي استخباراتو ادارې (جي ار یو) د ککړتیا معقول شکونه موجود دي.

د سلواکیا له پولې سره په چاودنه کې دوه کسان وژل شوي ول.

د وسلو ګودام کې تر چاودنې وروسته اور لګېدلی وو - د ۲۰۱۴ز کال د اکتوبر ۲۰مې انځور.
د وسلو ګودام کې تر چاودنې وروسته اور لګېدلی وو - د ۲۰۱۴ز کال د اکتوبر ۲۰مې انځور.

د چېک جمهوریت د کورنیو چارو وزیر یان هماچېک چې اوسمهال د بهرنیو چارو لندمهاله وزیر هم دی، ویلي دا ډېپلوماټان یې د استخباراتي کارکوونکو په توګه پېژندلي او ورته یې په ۴۸ ساعتونو کې د هېواد پرېښوولو ویلي دي.

په پلازمېنه پراګ کې د روسیې سفارت انټرفیکس خبري اژانس ته ویلي چې د ډېپلوماټانو د ایستلو له پرېکړې خبر دي او د چېک د بهرنیو چارو وزارت روسی سفیر الېکساندر زمېیېفسکي ورغوښتی وو.

د اژانس په خبره، مسکو د روسیې د بهرنیو چارو وزارت له لوري د غبرګون خبرداری ورکړی دی.

د بهرنیو چارو وزارت ویاندې ماریا زخاروفا انټرفیکس اژانس ته ویلي چې "پراګ پوهېږي چې تر دې ډول بې معنا کارونو وروسته څه پېښېږي."

ننګرهار کې د تراوېح لمانځه پر مهال د یوې کورنۍ اته غړي وژل شوي

پېښه د ننګرهار په مرکز جلال اباد کې د تراوېح لمانځه پر مهال شوې

چارواکي وايي، په ننګرهار کې د تراوېح د لمانځه پرمهال د یوې کورنۍ اته غړي وژل شوي.

د دوی په خبره، د اپرېل ۱۷مې پر ماخوستن شاوخوا نهه بجې د جلال اباد ښار نهمې ناحیې اړوند په سراچه علي خان سیمه کې په یوه جومات کې د تراوېح لمونځ روان وو چې وسله وال ورغلل او د حاجي عبدالوهاب په نوم د یوه کس پینځه وروڼه او درې ورېرونه یې وویشتل.

د ننګرهار والي ضیاالحق امرخېل وايي، دا پېښه په سیمه کې د ځمکې پر سر د لانجې له وجې شوې.

دی وايي، امنیتي ادارو ته یې "جدي سپارښتنه" کړې چې په پېښه کې ککړ کسان پیدا کړي او د قانون منګولو ته یې وسپاري.

تحريک لبیک حکومتي واک وګواښه نو ځکه مو پرضد کارروايي وکړه: عمران خان

د پاکستان وزيراعظم عمران خان

د پاکستان وزيراعظم وايي، تحريک لبیک پاکستان حکومتي عملداري چېلنج کړه نو ځکه يې دوی پرضد کاروايي وکړه.

عمران خان نن( د اپرېل پر ۱۷مه) په خپل ټويټ کې ویلي دي چې مذهبي ډلې تحريک لبیک پاکستان چې کله د تشدد لار خپله کړه، پر خلکو او امنيتي ځواکونو يې حمله وکړه نو هله يې پرضد د ترهګرۍ قوانينو لاندې کارروايي وکړه.

د پاکستان حکومت د ترهګرۍ مخنیوي له قانون سره سم، پر مذهبي ډلې تحریک لبیک پاکستان بندېز لګولی دی.

دا تر هغه وروسته ده چې د دې ډلې پلویانو د اپرېل پر ۱۲مه د خپل مشر علامه سعد حسین رضوي تر ګرفتارۍ وروسته مظاهرې پیل کړې.

په دې مظاهرو کې د حکومتي چارواکو په وينا ځينې کسان مړه شوي او د پوليسو په ګډون سلګونه کسان ژوبل شوي دي.

د تحریک لبیک غړیو او پلویانو غوښتنه کوله چې د فرانس سفیر دې له پاکستانه واېستل شي ځکه چې د دوی په نظر دغه هېواد په شارلي هیبدو مجله کې د اسلام د پيغمبر د خاکو چاپولو د حق دفاع کوي.

په فرانس کې تېر کال (۲۰۲۰۲ز) یوه ۱۸ کلن چېچن توکمه کس د ښوونځي یو ښوونکی په ټولګي کې زده کونکو ته د بیان ازادۍ د درس پر مهال د اسلام پیغمبر د خاکو ښوولو په تور وواژه.

د فرانس ولسمشر اېمانوېل مېکرون له هغه وخت راهیسې د پیغمبر د خاکو خپرولو دفاع کړې.

د ايران لخوا د يورانيمو غني کول به مرسته ونه کړي: بایډن

د امریکا ولسمشر جو بایډن

د امريکا ولسمشر جو بایډن وايي، د ايران لخوا ۶۰ فيصده ته د يورانيمو غني کول به مرسته ونه کړي خو نوموړی وايي امريکا پر دې خوشحاله ده چې ايران اوس هم له واشنګټن سره په غېر مستقيم ډول خبرو کې برخه اخلي.

د دې خبرو هدف د دواړه هېوادونو هغه مقام ته ستنېدل دي چې د ۲۰۱۵ز کال له اټومي تړون سره مطابقت لري.

بايډن چې په سپېنه ماڼۍ کې يې له جاپاني وزیراعظم سره ګډه خبرې غونډه کوله، د يو خبريال د دې پوښتنې په ځواب کې که چېرې د ايران د يورانيمو د زياتولو اقدام دې لور ته اشاره وي چې تهران اټومي تړون ته په ستنېدو کې جدي نه دی؟ نوموړی وويل:"زما په فکر دا له وخته مخکې ده چې موږ و وايو د دې به څه نتيجه مخې ته راځي، خو موږ اوس هم خبرې کوو."

له دې وړاندې ايران اعلان وکړ چې دوی ۶۰ فیصده ته د يورانيمو غني کول پيل کړي دي. تر دې مخکې ايران يورانيم دومره زياتې کچې ته نه دي غني کړي او دا ۹۰ فيصده ته د يورانيمو غني کولو لور ته يو ګام دی کوم چې د وسلو لپاره کارول کېدای شي.

اسفندیار د افغان سرتېرو دفاع په اړه د ولسمشر غني بیان ستايلی

د عوامي نېشنل ګوند مشر اسفندیار ولي خان

د عوامي نېشنل ګوند مشر اسفندیار ولي خان وايي، دوی د افغان ولسمشر محمد اشرف غني د دې بيان ستاينه کوي چې د امريکايي ځواکونو تر وتلو وروسته افغان ځواکونه د خپلې خاورې دفاع کولای شي.

اسفنديار ولي خان د اپرېل پر ۱۶مه پر خپله ټویټر پاڼه لیکلي چې د پاکستان امن د افغانستان له امن سره تړلی دی او باید د پاکستان په ګډون د سيمې هېوادونه له افغانستان سره د امنیت او سولې په راوستلو کې مرسته وکړي.

نوموړي په افغان جګړه کې پر ښکيلو ټولو خواوو د اوربند کولو غږ هم وکړ.

امریکايي ولسمشر جو بایډن لخوا له افغانستانه د خپلو پوځیانو د ایستلو نېټې تر اعلان وروسته د اپرېل پر ۱۴مه ولسمشر غني پر خپله ټویټر پاڼه ولیکل چې له خپل امریکايي سیال سره‌ یې له افغانستانه د امریکايي پوځیانو د وتلو په اړه ټېلیفوني خبرې کړي او ورته یې ویلي چې افغان ځواکونه د خپل هېواد د دفاع پوره وړتیا لري او د امریکا د دغه پرېکړې درناوی کوي.

جو بايډن ويلي چې د سېپټېمبر تر ۱۱مې پورې به امريکايي ځواکونه له افغانستانه وباسي خو له دې هېواد سره به خپلو مرستو ته دوام ورکوي.

میرلي او کورمه کې ۷ کسانو ته مرګ ژوبله اوښتې

د پاکستان نقشه

په شمالي وزیرستان او کورمه کې د اپرېل پر ۱۶مه دغه دوې امنیتي پېښې مخې ته راغلي چې پکې اوو کسانو ته مرګ ژوبله اوښتې ده.

د شمالي وزیرستان د میرعلي سیمې یو اوسېدونکي عادل داوړ مشال راډيو ته وويل چې د اپرېل پر ۱۶مه د شپې مهال د دوی په سيمه کې د پاکستان تحریک انصاف ګوند غړي په خپلو کې سره وران شول او پر یو بل یې ډزې وکړې چې پکې یو تن وژل شوی او څلور نور ژوبل شوي دي.

ځایي پولیس هم تاییدوي چې ډزې د ملګرو ترمنځ شوې دي چې اوس د پېښې په اړه د هغوی پلټنې روانې دي.

بلخوا په کورمه کې د ناڅرګنده وسله والو په ډزو یو تن وژل شوی او یو ژوبل شوی دی.

په سیمه کې د مشال راډیو خبریال وايي، تېره شپه شاو خوا یوه بجه دغه دواړه کسان چې سره وروڼه ول، په ګاډي کې خپل کور ته روان ول چې پر لاره پرې ډزې وشوې.

ناسا غواړي دې لسیزه کې عام وګړي سپوږمۍ ته ولېږدوي

د امریکا فضایي پلټونکی مرکز ناسا د شخصي کمپنۍ سپېس اېکس په مرسته غواړي چې په دې لسیزه کې انسان تر سپوږمۍ ورسوي.

ناسا د اپرېل پر ۱۶مه وویل چې له سپېس ایکس سره یې د ۲،۸۹ میلیارده ډالرو په ارزښت تړون لاسلیک کړ.

د امریکا پخواني ولسمشر ډونالډ ټرمپ ویلي و چې تر ۲۰۲۴ز کال پورې به خلک تر سپوږمۍ پورې ورسوي خو اوس ناسا نېټه مشخصه کړې نه ده او وایي چې دا کار به په روانه لسیزه کې ترسره شي.

سپېس اېکس شرکت چې له ناسا سره له نيږدې همکار دی، د سټارشیپ په نوم يې سپوږمکۍ جوړه کړې ده چې په دې کې به خلک سپوږمۍ ته لېږدوي.

په قره باغ کې ۳۰ وسله والو ته مرګ ژوبله اوښتې: افغان چارواکي

د افغان سرتېرو ارشیف انځور

په پکتیا کې د تندر قول اردو چارواکي وايي، چې د اپرېل پر ۱۶مه، د غزني ولایت د قره باغ ولسوالۍ په بازار کې د افغان هوايي او ځمکنیو ځواکونو لخوا چاڼیز عملیات روان وو، چې په نتیجه کې يې وسله وال طالبان له دې بازاره شاه تګ ته اړ شوي دي.

له څو ورځو راهیسې وسله والو طالبانو د غزني په قره باغ ولسوالۍ ډله ییز بریدونه پیل کړي دي.

د اپرېل پر ۱۷مه، د تندر قول اردو د رسنیو د برخې مسوول جګړن ایمل خان مومند مشال راډیو ته وویل، چې د جګړې او هوايي بریدونو په پایله کې ۲۲ وسله وال طالبان وژل شوي او اته نور ټپيان شوي دي.

نوموړی زیاتوي، په دې جګړه کې د وسله والو یو پیکپ موټر چې په هغه باندې زیکویک وسله هم نصب شوې وه، له منځته تللی دی.

په دې جګړو کې افغان ځواکونو د اوښتو تلفاتو په اړه څه نه دې ويل شوي

تر اوسه وسله والو طالبانو په دې اړه رسنیو ته څه نه دې ویلي.

روس له خپلې خاورې ۱۰ امریکايي سفارتکاران باسي

د روسیې د بهرنیو چارو وزیر سرګي لاوروف د اپرېل پر ۱۶مه ویلي چې ماسکو به ۱۰ امریکایي سفارتکارو ته له روسيې د وتلو په اړه وایي.

روسیې دا کار د امریکې د هغه اقدام په غبرګون کې کړی چې امریکا ۱۰ روسي سفارتکار په مبینه توګه په انتخاباتو کې د مداخلت، انټرنېټي حملو او د ځینو نور کارونو له وجې له هغه هېواده وایستل.

د اپرېل پر ۱۶مه د سربیا له بهرنیو چارو وزیر سره په یو ګډه خبري غونډه کې لاوروف وویل، دوی به د دې اقدام په بدل کې ورته ځواب ورکوي، او په روس کې موجودو ۱۰ امریکایي سفارتکارو ته به له دغه هېواده د وتلو وایي.

لاوروف په خپلو خبرو کې دا هم وویل چې د ولسمشر ولادیمیر پوتین د بهرنۍ پالیسۍ سلاکار یوري یوشاکوف دا وړاندیز کړی چې په روس کې امریکایي سفیر جان سلېوان دې په دې اړه د جدي سلا مشورې لپاره واشنګټن ته ستون شي.

دا تر هغې یوه ورځ وروسته ده چې کله امریکا پر روس د امریکا د ولسمشرۍ پر انتخاباتو کې پر درغلۍ، د انټرنېټي حملو او د واشنګټن په خبره د ماسکو د ځینو نورو تاواني بهرنیو فعاليتونو په ځواب کې پر روس پراخ بندېزونه ولګول.

له افغانستان سره خپل ماموریت ته دوام ورکوو: ملګري ملتونه

د ملګرو ملتونو د عمومي منشي ویاند سټېفن دوجارېک

ملګري ملتونه وايي چې له افغانستانه د نړیوالو ځواکونو تر وتلو وروسته به په دې هېواد کې خپل ماموریت ته دوام ورکړي.

د ملګروملتونو د سرمنشي ویاند سټیفن دویاریک د اپرېل پر ۱۵مه په نیویارک کې په یوه خبري غونډه کې وویل،"موږ به د وضعیت څېړنې ته دوام ورکړو خو په افغانستان کې به زموږ کار دوام وکړي."

دا په داسې حال کې ده چې د امریکا ولسمشر جو بایډن له افغانستانه د خپلو پوځیانو د ایستلو نوې نېټه اعلان کړه او ویې‌ ویل چې دغه پوځیان به د روان کال د سپټمبر تر ۱۱مې ووځي خو له دې هېواد سره به خپلو مرستو ته دوام ورکوي.

د ولسمشر بایډن له لوري د ځواکونو د ایستلو له اعلان سره هم ‌مهاله د ناټو یو شمېر نورو غړو هم ویلي چې له امریکا سره په همغږۍ کې خپل پوځیان له افغانستانه باسي.

ناټو هم اعلان کړی چې له افغانستانه د غوڅ ملاتړ د ماموریت د ځواکونو اېستل به د مې پر لومړۍ نېټه پیل او د سپټمبر پر۱۱مه نېټه بشپر کړي.

له روسیې سره باثباته اړیکې غواړو: بایډن

د امریکا ولسمشر جو بایډن

امریکايي ولسمشر جو بایډن ویلي هېواد یې له روسیې سره باثباته او روښانه اړیکي غواړي او پر هغه هېواد د پراخو بندیزونو له لارې د ترینګلتیا زیاتول او د دوامداره شخړې سلسله پیلول نه غواړي.

نوموړي تېر مازیګر د بندیزونو تر اعلان وروسته په سپینه ماڼۍ کې د خبرو پر وخت خبرداری ورکړ چې که روسیه یې "په جمهوریت کې مداخلې ته دوام ورکوي نو په غبرګون کې نورو اقداماتو ته چمتو دی."

بایډن وویل، له ولسمشر ولادمیر پوتین سره یې د خبرو پر مهال ورته خبرداری ورکړی وو چې امریکا به په انتخاباتو کې د مداخلې او پر سولروېنډز کمپنۍ د انټرنېټي برید ((کوټلی او مناسب)) غبرګون ښيي.

ده وویل، امریکا لا سخت عکس العمل ښوولای شو خو د ترینګلتیا زیاتېدو مخنیوي لپاره یې له دې کاره ډډه وکړه.

تر دې مخکې د اپرېل پر ۱۵مه بایډن کرېملېن په انتخاباتو کې د لاسوهنې او پر سولروېنډز شرکت د انټرنېټي بریدونو لپاره ذمه وار وباله او له هېواده یې د ۱۰ روسیو ډېپلوماټانو ایستل او پر لسګونه روسیو وګړو او ادارو بندیزونه، اعلان کړل.

افغانستان او ترکمنستان د تاپي پروژې لپاره امنیتي پلان لاسلیک کړی

د افغانستان او ترکمنستان تر منځ د ټاپي (TPI) د ګازو نللیکې امنیتي پلان لاسلیک شو.

د افغانستان ملي امنیت شورا بېګا په بیان کې ویلي چې له ترکمنستانه د تاپي پروژې مدیر محمد متیرات امانوف د اپرېل پر ۱۵مه کابل ته ورغلی وو او هلته یې د امنیت شورا له مرستیال عبدالله عباد سره پر امنیتي پلان دستخط وکړ.

بیان وايي، امنیت شورا د څلورو هېوادونو د ګیسو د نللیکې د دې پروژې د امنیتي پلان په عملي کولو کې مرسته کوي.

د تاپي پروژې پایپلاین ۱،۸۰۰ کیلومیټره اوږدوالی لري چې له ترکمنستانه به ګیس افغانستان، پاکستان او هند ته رسوي.

پاکستان سرکار ټولنیزې رسنۍ په لنډمهاله توګه وتړلې

د پاکستان کورنیو چارو وزارت، د مواصلاتو ادارې ته امر کړی چې سر له ننه دې د سهار له یوولس بجو د ماسپښین تر درېوو بجو ټولنیزورسنیو لکه فېسبوک، ټویټر، وټساپ، یوټیوب او ټیلیګرام ته رسایي بنده کړي.

وزارت د پي ټي اې مشر ته په استولي لیک کې کښلي چې د دوی پر غوښتنه دې سمدستي ګام واخلي.

د پاکستان کورونیو چارو وزارت لیک
د پاکستان کورونیو چارو وزارت لیک

د کورنیو چارو وزارت له هدایاتو پس د انټرنیټ اسانتیا رسولې ادارې نیاټېل خپلو کاروونکیو ته په یوه پیغام کې ویلي چې د ټولنیزو رسنیو څانګې یې د پاکستان مواصلاتو ادارې په لارښوونه تړلي دي.

په پاکستان کې په تېر کې څو ځلي یوټیوب او ټیک ټاک تړل شوي چې وجه یې د لانجمنو مذهبي ویډیوګانو خپرول ښودل شوې خو د وروستي اقدام لاهم پته نه لګېږي.

د پېښور ښار ځینو اوسېدونکیو د ټولنیزو رسنیو تړل کېدلو سره مخالفت ښودلی او غوښتنه کوي چې سرکار دې بې له ځنډه دا لګېدلی بندیز پای ته ورسوي. د دوی په خبره نن سبا خو له ټولنیزو رسنیو پرته د ژوند چارې په ټپه ولاړې وي. او بله دا چې که یوڅوک لارې تړي نو د دې په بدل کې ټولنیزې رسنۍ تړل هېڅ جواز نه لري.

سرکار دې ژر تر ژره ټولنیزې رسنۍ له بندیزه وباسي
تم شئ

هېڅ میډیايي سرچینه اوس نشته

0:00 0:01:07 0:00
د ډاېرېکټ لېنک

امریکا پر یوشمېر روسيو چارواکیو او ادارو بندیزونه لګوي 

په دغو بندیزونو کې به دغه راز د استخباراتي چارواکو په ګډون شاوخوا ۱۰ تنه هم په نښه شي. 

په پام کې ده چې امریکا د اپرېل پر ۱۵مه نن پر یو شمېر روسيو چارواکو او ادارو بندیزونه ولګوي.

رویترز او بلومبورګ د ځینو سرچینو له قوله چې پېژندګلو یې نه ده په ډاګه شوې، ویلي، دغه بندیزونه به پر شاوخوا ۳۰ هغو ادارو ولګول شي چې پروسږ کال د امریکا په انتخاباتو کې د لاسوهنې یا د امریکا حکومت او لویو شرکتونو د کمپیوټرونو په هېکولو تورنې شوې دي.

په دغو بندیزونو کې به دغه راز د استخباراتي چارواکو په ګډون شاوخوا ۱۰ تنه هم په نښه شي.

د راپورونو له مخې تمه ده چې په دغه اقدام کې به ۱۰ روسي چارواکي او ډیپلوماتان هم له دې هیواده واېستل شي.

د ولسمشر جو بایډن ادارې له څو اونیو راهیسې داسې نښې څرګندې کړې وې چې د روسیې سایبري حملو ته به سخت ځواب ورکړي.

په تورخم کې ۷۰۰ کیلو ګرامه باروت نیول شوي

د تورخم دروازه. ارشیف- انځور

د ننګرهار چارواکي وایي چې په تورخم ښارګوټي کې امنیتي ځواکونو د پلټنې پر مهال په یوه ټرالي ګاډي کې نېږدې ۷۰۰ کیلو ګرامه باروت نیولي دي.

د ولایت د رسنیو دفتر د اپرېل پر ۱۴مه رسنیو ته په استول شوې خبرپاڼه کې ویلي چې په یوه ټرالي ګاډی کې چې دال نخود یې له پاکستانه جلال اباد ته لېږدول، په ۲۶ بوجیو کې اېښودل شوي ول، چې د پلټنې پر مهال د امنیتي ځواکونو لاس ته ورغلي دي او په تړاو یې ټرالۍ چلوونکی او د هغه کیلنډر نیولي دي.

خبرپاڼه کاږي چې له چاودونکو توکو سره نیول شویو کسانو په خپل جرم اعتراف کړی دی.

بلوچستان حکومت تعلیمي ادارو ته د کورونا وبا مخنیوي لپاره د سختو اقداماتو امر کړی

د کوټې ای ټي پوهنتون تصویر له ارشیفه

بلوچستان حکومت وايي، که چرې تعليمي ادارو د کورونا وايرس په اړه حکومتي لارښووني نه عملي کوي نو سخت اقدامات به پورته کړي.

دا خبره د بلوچستان حکومت وياند لياقت شاهواني د اپرېل پر ۱۴مه (پرون)، مشال راډيو ته کړې.

دا له هغه وروسته ده چې په کوټه کې د ښځو پوهنتون سردار بهادر وويمن يونيورسټي ښوونکې ډاکټر شايسته د کورونا وايرس له وجې مړه شوه او پوهنتون وتړل شو او د دې ترڅنګ په صوبه کې څلور ښوونځي هم د کورونا پېښو پس تړل شوي دي.

لياقت شاهواني زياته کړه چې په صوبه کې د کورونا وايرس کېسونه په زياتېدو دي او په دې لړ کې تعليمي ادارې حکومتي لارښوونې نه عملي کوي.

بلخوا د مومندو قبايلي ضلعې د سرکاري سکولونو استادانو له مشال راډیو سره په خبرو کې اندېښنه ښودلې چې د کورونا وايرس مثبت کېسونه په زیاتېدو دي، او په لړ کې يې د تعلیم متعلقه چارواکو سره په څو څو وارې رابطې هم کړي دي خو تر اوسه د تعلیم وزارت په مومندو کې د سکولونو د بندولو اعلان نه دی کړی.

دا وخت د خیبر پښتونخوا په زیاترو ضلعو کې سکولونه د اپرېل تر ۲۸مې تړل شوي دي.

ننګرهار کې د شاتو کاروبار کې پانګونه زیاته شوې

چارواکي وايي، تېرکال د مچيو د فارمونو درلودونکو څه د باڅه ۴۰۰ ټنه شات ترلاسه کړي چې ډېری یې بهرنیو هېوادونو ته لېږل شوي.

د افغانستان صنعت او سوداګرۍ وزارت وایي، خصوصي پانګوالو په ننګرهار ولایت کې د مچیو شاتو ۵۰۰ وړو او لویو فارمونو کې د ۵۰ میلیونه افغانیو په ارزښت پانګونه کړې ده.

د دې وزارت ویاند فواد احمدي مشال راډیو ته وویل، دې برخه کې د پانګونې له ډیرېدو سره ۲۰۰۰ کسانو ته د کار زمینه هم برابره شوې ده.

د احمدي په خبره، اوس ۵۰ واړه او لوی شرکتونو د شاتو پروسس او بسته بندۍ برخه کې په کار بوخت دي.

د صنعت او سوداګرۍ وزارت د معلوماتو له مخې د ننګرهار ولایتو شاتو د ګلف فود په نوم نړیوال نندارتو کې چې دوبۍ کې جوړ شوی و له بهرنیو شرکتونو سره د ۱۰۰ زرو ډالرو په ارزښت تړونونو ترسره کړي دي.

شمېرې ښیي چې تېرکال د مچيو د فارمونو درلودونکو څه د باڅه ۴۰۰ ټنه شات ترلاسه کړي چې ډېری یې بهرنیو هېوادونو ته لېږل شوي دي.

حب: د فوټبال لوبه کې چاودنې لس تنه ژوبل کړي

د بلوچستان په حب ښار کې د فوټبال په يوه لوبغالي کې چاودنې د لوبغاړو په ګډون لس تنه ژوبل کړي دي.

د مشال راډيو خبريال وايي چاودنه د نهې/سېشنبې مازيګر هغه مهال وشوه کله چې په یوه لوبغالي کې پایلوبه کېدله. د پېښې ژوبل کسان د حب او کراچۍ روغتونونو ته وړل شوي دي.

د لسبېلې پولیسو اېس اېس پي طارق الاهي رسنيو ته ويلي دي چې چاودنه د فوټبال په یوه میدان کې د ناڅرګنده کسانو له لورې د اېښودل شوي بم له امله شوې ده. البته نوموړي ویلي دي چې د لا نورو پلټنو وروسته به معلومه شي چې د چاودنې ترشا څوک لاس لري.

په بلوچستان صوبه کې له تېرو څه نه څه ۱۵ کلونو راهیسې ناامنیو او چادونو ګڼو ولسي وګړو او سرکاري اهلکارانو ته مرګ ژوبله اړولې ده. که څه هم په دغه صوبه کې بلوڅ ازادي غوښتونکي او ځنې نورې تندلارې مذهبي ډلې فعالې دي خو د ډېری بمي چاودنو د سراغ او سرغنه پته و نه لګېدله.

تم شئ

هېڅ میډیايي سرچینه اوس نشته

0:00 0:03:10 0:00
د ډاېرېکټ لېنک

امریکې پېښور کې د کورونا د کنټرول او مخنیوي مرکز پرانېست

په پاکستان کی دامریکا سفارت د اپریل په ۱۳ مه د خیبر پښتونخوا د صوبایی حکومت سره په ګډه د لارښونو او کنټرول یو سیمه يیز مرکز پرانیست چی د کورونا او نورو ساري ناروغیو په کنټرول او مخنیوي کې به مرسته وکړي.


یاد مرکز چې د امریکا د نړیوالو مرستو دا ادارې (یو اېس اېډ) په مرسته چلېږي، د معلوماتي ټېکنالوژۍ څخه برخمن دی چې د خیبر پښتونخوا صوبې ۳۶ ضلعې د ناروغیو د څارنې او غبرګون مرکزونه سره نښلوي. دغه مشترکه معلوماتي مرکز به د صحت صوبایی محکمی ته د بیمارۍ او وبا په اړه رښتېني او پر وخت معلومات ورکوي.

د یو اېس اېډ مرستیال مایکل نهرباس وایي، د کوید ۱۹ وبا خطر دامریکا د متحده ایالاتو او پاکستان تر مینځ ددې مشارکت د اهمیت نشاندهي کوي چې له مخې به یې د روغتیا نظام په ټولو څانګو کې جوګه کوي چې د ولسي صحت ټولو ګواښونو ته چټک ځواب ووايي او د انسانانو ژوند وژغوري. هغه د خیبر پښتونخوا د حکومت نه مننه وکړه چې د یاد مرکز په پرانېستلو کې یې خپله ونډه واخېستله.

د خیبر پښتونخوا د محکمه صحت ځانګړي سکرتر ډاکټر فاروق جمیل د مرکز د پرانېستې په غونډه کې وویل، د صوبې د روغتیايي نظام پیاوړي کول د صوبايي حکومت له لومړیتوبونو څخه دی.

نوموړي د امریکا د مرستو څخه په مننې کولو سره وویل چې د کووېډ ـ ۱۹ پر وړاندې د صوبې د هسپتالونو پیاوړي کول او نادارو او د کلیوالو سیمو خلکو ته د روغتیايي خدمتونو رسول د خیبر پښتونخوا د روغتیا د ادارې له اساسي ستونزو څخه دي. هغه وویل، هغوی خوشاله دي چې په دې لاره کې د یو اېس اېډ مرستې ورسره دي.

پاکستانيو وګړو ته به ژر یو کلنه وېزه ورکړو: افغان سفیر

علي خېل وايي، په اسلام اباد کې افغان سفارت د اسلام اباد، پنجاب، کشمیر او ګلګت بلتستان خلکو ته وېزې ورکوي،

په اسلام اباد کې افغان سفیر وايي، ډېر ژر به د یوې نوې پالیسۍ له مخې پاکستانيو وګړو ته د درې او شپږ میاشتنۍ وېزو پرځای یو کلنه وېزه جاري کړي.

افغان سفیر نجیب الله علي خېل د اپرېل پر ۱۳مه مشال راډیو ته وویل، په اسلام اباد کې افغان سفارت د اسلام اباد، پنجاب، کشمیر او ګلګت بلتستان خلکو ته وېزې ورکوي.

د نوموړي په وینا د خیبر پښتونخوا خلک په پېښور، د بلوچستان خلک په کویټه او د سېند صوبې خلک په کراچۍ کې د افغانستان له کونسلګریو د افغانستان وېزې ترلاسه کولای شي.

د اپرېل پر ۱۲مه له خيبر پښتونخوا څخه راغليو کسانو د اسلام اباد کې د افغان سفارت بهر احتجاج وکړ چې د امنيت ټينګولو لپاره اضافي پوليس وګومارل شو.

هغوی پر دې اعتراض کاوه چې ولې ورته سفارت د افغانستان وېزې نه ورکوي.

په اسلام اباد کې افغان سفارت ته هره ورځ په سلګونو خلک چې ډېری یې د خيبر پښتونخوا وګړي دي، د ويزو لپاره ورځي، چې سعودي عرب ته د کابل له لارې تلل غواړي. دوی وايي د پاکستان په نسبت د کابل له لارې سعودي عرب ته ټیکټ ارزان دی.

د خيبر پښتونخوا اوسېدونکې د ويزو په ترلاسه کولو کې د مشکلاتو شکايت کوي او وايي په پيښور کې افغان کونسلګرې ورته ترانزیت ويزي ورکولو څخه انکاري دي چې وايي اسلام اباد کې سفارت د داسي ويزو ورکولو صلاحيت نه لري. خو د افغان سفارت ناظم الامور شاکر قرار بيا وايي کونسلګري د هر ډول وېزو د ورکولو اختيار لري او ورته د وېزو ورکولو لپاره ځانګړي هدايات ورکړل شوي دي.

هند خپلو هېوادوالو ته د کورونا روسی واکیسن سپوټنیک وي لګولو اجازه ورکړه

يوه ډاکټره د کورونا وایرس ضد ويکسين تجربه کوي.

د هند حکومت د کورونا د مخنیوي لپاره په بیړني ډول د روسي سپوتنیک وي واکسینو منظوري ورکړه.

په هند کې یو اعشاریه درې اربه وګړي مېشت دي چې د کورونا واکسینو له کمي سره مخامخ دي او پکې د کورونا وایرس دویمې څپې زور نیولی دی.

سپوټنیک وي به د کورونا د مخنیوي واکسینو درېیم قسم شي چې په دې هېواد کې د استعمالولو اجازه ولري.

د هندي ورځپاڼې ټایمز اف انډيا په یو رپورټ کې راغلي چې د داروګانو د نظم ماهرینو کمیټۍ د سپوټنیک وي په هکله سپارښتنه کړې او هیله ده چې نن(د اپرېل پر ۱۳مه) یې هند کې د داروګانو د کنټرول اداره (ډي سي جي ای) د استعمال اجازه ورکړي.

له دې وړاندې په هند کې د کورونا وایرس د مخنیوي لپاره استرا زېنیکا واکسین او په هند کې په ځايي کچه د بهارت بایوټیک لخوا جوړ شوي((کووېسین)) ته د استعمال اجازه ورکړل شوې ده.

د بشري حقونو نوموتی مبارز ای اې رحمان وفات شو

ايي اې رحمان

د پاکستان بشري حقونو مبارز او نومیالی خبریال ای اې رحمان د ۹۰ کالو په عمر کې په لاهور کې مړ شوی دی.

ای اې رحمان په ۱۹۳۰م کال کې د هند په هریاڼه کې زیږېدلی وو او له تېرو ۷۰ کالو راهيسې له خبریالۍ او بیا وروسته د بشري حقونو سره تړلی وو. نوموړي په دې برخه کې یو شمېر ایوارډونه هم اخیستي دي.

د پاکستان هرنیو چارو شاه محمود قریشي په ګډون یو شمېر خلکو د هغه پر مړینه د هغه له کورنۍ سره غمرازي کړې ده.

په بلوچستان کې۲۴ لکه ماشومانو ته د پولیو واکسين کېږي

پخوانی تصویر: په چمن کې يو ماشوم ته د پوليو واکسين کېږي

په بلوچستان کې د ګوزڼ یا پوليو ناروغۍ د مخنیوي لپاره د څاڅکو ورکولو پنځه ورځنی کمپاين نن په دویمه ورځ هم روان دی.

چارواکي وايي چې د دې کمپاين پر مهال به د صوبې ۲۴ لکه داسې ماشومانو ته د پولیو ضد څاڅکي ورکوي چې عمرونه یې تر پنځه کاله کم وي.

چارواکي وايي چې د ۱۰ زره ډلو په مرسته به د صوبې په ۲۳ ضلعو کې دا کمپاين تر سره کيږي.

تردې وړاندې د مارچ پر ۲۹ مه نېټه د بلوچستان د سرکاري ملازمينو د احتجاجي پرلت له وجې د پوليو کمپېن دوه واره ځنډول شوی وو

يو چينايي‌چارواکی وايي کوروناضد واکسين یې ډېر اغېزمن نه دي

د چين په يو روغتون کې نرسه د واکسينو د ستنې سره

په چين کې له يوه څخه بل ته سرايت کوونکو ناروغيوو (infectious) د مخنيوي ادارې مشر منلي چې د کورونا ناروغۍ پر ضد د دغه هيواد جوړ کړي واکسین کم اغېز لري.

هغه زیاتوي چې حکومت د دې واکسینو د اثر زیاتولو په موخه په دې کې د بدلون په اړه سوچ کوي.

ګاو فو د اپرېل په لسمه وويل چې دا مهال چين په رسمي توګه د دې واکسینو د ډير اغېزمنتوب د نه شتون د ستونزې په حل کولو فکر کوي او زیاته کړه یې ده چې اوس په دې فکر کوي چې ایا له کورونا وایرسه د ځان ساتلو لپاره له کومې بلې لارې او تکنیک ولاړ مختلف واکسین وکاروي که څنګه؟

دا اول ځل دی چې يو چينايي چارواکي په ډاګه منلې چې په دغه هيواد کې جوړ د کورونا ناروغۍ پر ضد واکسین کم اغېزه دي. له دغه کانفرنسه وروسته که څه هم د ګاو فو دريځ په ډيره تیزۍ خپور نه شو خو چين په ډيره تېزۍ سره په ټولنيزه ميډیا د دې موضوع په اړه خبرې سنسر کول پیل کړې.

چين دا مهال ساينوفام او ساينوواک واکسين د کورونا وایرس پر ضد کاروي. دوی دا واکسين د پاکستان په شمول د نړۍ ګڼو هېوادونو ته لېږلي دي.

نور پورته کړئ

ځانګړې پاڼې

له موږ سره اړیکي

XS
SM
MD
LG