د بلوچستان چارواکي وايي چې په روانه مياشت کې يې د افغان کډوالو د رجسټریشن کارډونو سلسلسه شروع کړې چې د بلې مياشتې تر آخره به دوام وکړي.
د بلوچستان د نادرا چارواکي وايي د فرورۍ له مياشتې يې د کډوالو د رجسټريشن په لومړۍ مرحله کې دوه لکه کارډونه وېشلي.
په کوټه کې د کارډ اخيستلو لپاره په کتار کې ولاړې، يوې ميرمنې نن (دوشنبه) مشال ريډيو ته وويل چې د مياشتو راهيسې د کارډ په انتظار ده.
چارواکي وايي چې لا هم شاوخوا څلوېښت زره افغانان په بلوچستان کې له کارډونو اخيستلو پاتې دي.
