ټاکل شوې چې دوه میاشتې مخکې د عراق نوی منتخب شوی پارلېمان د جولای پر لومړۍ غونډه وکړي چې د نوي حکومت جوړول پیل کړي.
دا اعلان د ولسمشر جلال طالباني له خوا په پروني خپور شوي فرمان کې راغلی دی. پر عراقي وزیراعظم نوري المالکي نړیوال فشار دی چې د هغو سني وسله والو د زیاتېدونکي ملاتړ مخنیوي په موخه لا نور جامع حکومت جوړ کړي چې د هېواد شمالي ښارونه یې نیولي دي.
دا پیغام یو ځل بیا د برتانیا د بهرنیو چارو وزیر ویلیم هیګ د تېرې پنجشنبې پر ورځ بغداد ته د سفر پر وخت ورساوه. مالکي له هیګ سره ومنله چې له القاعدې بېلې شوې د عراق او شام اسلامي دولت وسله والې ډلې د ماتې لپاره سیاسي او پوځي اقدامات په کار دي.
په عین وخت کې عراقیو ځواکونو له وسله والو د تکریت ښار د واک بیا تر لاسه کولو لپاره حمله کړې ده. عیني شاهدین وايي، په ښار کې شدیدې نښتې شوې دي. تکریت دوه اوونۍ مخکې وسله والو نیولی وو.
