د افغانستان ولسمشر او د جرمني وزیر اعظمې د کابل او واشنګټن ترمنځ د دوه اړخيز امنيتي تړون په اړه خبرې وکړې.
د جمهوري رياست د مطبوعاتي دفتر د اعلاميې پر اساس، حامد کرزي او انګېلا مېرکل د افغانستان او جرمني د اړيکو د پراختيا پر لارو چارو دغه راز د کابل او واشنګټن ترمنځ د امنيتي او دفاعي تړون په اړه هم ټليفوني خبرې وکړې.
اعلاميه وايي، ولسمشر کرزي د دې تړون په اړه د افغانستان دريځ بيان کړ.
ولسمشر حامد کرزي ويلي دغه تړون په هغه صورت کې لاسليکوي، چې امريکا د افغانستان شرايط ومني.