راپورونه وايي چې افغان سرحدي پولیسو د تورخم سرحدي دروازه د مسافرو پر مخ بنده کړې ده.
په تورخم کې پاکستان ته تلوونکي مسافر وايي چې؛ افغان سرحدي پولیسو د شنبې ورځې د سهار وختي راهیسې د تورخم دروازه د مسافرو پر مخ تړلې ده.
دوی وايي په سلګونو مسافرین د دروازې ترشاه ولاړ دي چې؛ په دې کې ډيره برخه ناروغان دي.
بل خوا د سرحدي پولیسو یوه چارواکي د نوم نه ښودلو په شرط مشال راډيو ته ويلي چې؛ د پښتونخوا په بیلابیلو سیمو کې نن مظاهرې کیدونکي دي او په همدې خاطر، چې هلته افغانانو ته کوم ضرر ونه رسیږي دوی دا لاره بنده کړې ده.
