افغان چارواکي وايي بيګا يې د يو لوی ترهګريز بريد مخه نيولي او د يو پاکستاني په ګډون يې پنځه مشکوک ترهګري نيولي.
د افغانستان د استخباراتو د ادارې د يوې خبرپاڼې ترمخه دې کسانو غوښتل د افغانستان په مرستيال ولسمشر کريم خليلي او د پارليمان په ودانۍ بریدونه وکړي.افغان چارواکي وايي، له دغوکسانو سره يې په ځانمرګو بريدونو کې استعماليدونکي واسکټونه، لاسي بمونه، راکټ لانچر او ګولې ، د افغان ملي پوځ ورديانې، يو پاکستانی شناختي کارډ او د پاکستاني ټيليفونونو سیم کارډونه نيولي دي.
