افغان ولسمشر حامد کرزی وايي افغانستان او پاکستان دواړه له ځينو ګډو ګواښونو سره مخامخ دي چې د خپلې نېکمرغۍ لپاره کولاى شي له ګډو فرصتونو ګټه واخلي.
ولسمشر حامد کرزي د پاکستان نوي ټاکل شوي وزيراعظم راجه پروېز اشرف ته د مبارکۍ په پيغام کې ويلي، ترهګري د افغانستان او پاکستان مشترک ګواښ دى چې بايد په وړاندې يې ګډه مبارزه وشي.
د پاکستان نوي وزيرعظم راجه پرويز اشرف هم پرون اسمبلۍ ته په خپله ړومبۍ وينا کې ويلي وو چې ترڅو په افغانستان کې امن نه وي راغلې تر هغې په پاکستان کې امن نه شي راتلې .
