که څه هم په هر مذهب کي د تصوف لاري بيلي دي او پيروکارانو يې د هغه مذهب په دايره کي ځان له عبادات لرل خو کله چي اسلام راغلی نو دلته هم تصوف يو ځانګړی مقام پيدا کړی.
په تصوف کي چي څومره صوفيان تير شوي دي او هم څومره نوي سلسلې او طريقتونه را منځ ته شوي دي، ټولو له اسلام سره د تړاو درلودلو او د خدای د وحدانيت خبره کړې ده.
د تصوف عالمان په دې نظر دي چي تصوف يو داسي لاره ده چي ښوونه يې اسلام کړې ده او د دې اساس هم له اسلام او د خدای له سپيڅلي کتاب څخه اخستل شوی دی.
په دې پروګرام کي پر همدې موضوع بحث شوی دی چي د اسلام له نظره تصوف څه مقام لري؟ د دې پروګرام جوړونکی احمد شاه اعظمي دی
