په بنو کې د پښتون ژغورنې غورځنګ جلسه

د منظور پښتین، علي وزیر او محسن داوړ په ګډون د پي ټي اېم ټول مشران د بنو منډان پارک کې د جلسې ځای ته رسېدلي دي.

د میرلي یوې مېرمنې مشال راډیو ته وویل:

"خاوند مې ورک شوی دی، زه منظور پښتین ته وایم چې زما خاوند دې راله پیدا کړي. که هغه مجرم وي، عدالت ته دې وړاندې کړي، که نه وي نو خوشې دې کړي. موږ خو په دعاګانو، ژړاګانو او ختمونو هم ستړي شولو. پینځه کاله کېږي چې هغه ورک ده."

په صوبايي اسمبلۍ کې د شمالي وزیرستان د خلکو استازي میرکلام وزیر جلسې ته په وینا کې وویل، د پاکستان د نورو سیمو خلک چې له کومو حقونو څخه برخمن دي، د قبایلي ضلعو خلک ترې تر اوسه محرومه ساتل شوي دي. نوموړی وايي، حکومت پر هغو تورونه لګوي خو غوښتنو ته یې سم ځواب نه وايي.