په بنو کې د پښتون ژغورنې غورځنګ جلسه

بنو ـ د جنورۍ پر ۱۲مه، د بنو په منډان پارک کې د پښتون ژغورنې غورځنګ (پي ټي اېم) جلسه پیل شوه.

جلسي ته زرګونه کسان ورغلي دي چې پکې هغه ښځې او ماشومان هم شامل دي چې د کورنیو غړي یې ورک دي.

پي ټي اېم د پاکستان له حکومته غواړي چې د ماورای عدالت وژنو مخه ونیسي، ورک او ګرفتار کسان عدالت ته وړاندې کړي، قبایلي سیمې له ځمکلاندې بمونو پاکې کړي او په سیمه کې بشري حقونه باوري کړي.

د پاکستان حکومت او پوځ د دې غوښتنو د پوره کولو ډاډ ورکړی.

پر دې پاڼه د بنو د جلسې شېبه په شېبه حال درکوو.