د مشال تر رڼا لاندې

پراګ: تر يوې لسيزي هم زيات وخت شوی چې په بلوچستان کې د بلوڅ ازادي غوښتونکو او پاکستاني پوځ ترمنځ لا هم نښتې رواني دي. بلوڅ بيلتون پالي له اسلام آباده خپلواکي غواړي خو پاکستان بيا تور لګوي چې د هند او افغانستان استخبارتي ادارې د دغو ډلو شاته لاس لري خو کابل او نوي ډلي تل دا تورونه رد کړي دي. بلخوا د بلوچستان حکومت د پړدې شاته هڅې کوي چې بلوڅ ازادي غوښتونکي د خبرو اترو ميز ته راولي خو لاهم په دې کې بریالي شوي نه دي. له تيرو څو مياشتو راهيسي يو بله سلسله شروع شوې ده او هغه دا چې د بلوچستان وزيران د خبريالانو مخي ته راځي او ځيني وسله وال معارفی کوي او دا دعوی کوي چې دا بلوڅ جنګيالي دي چې اوس يې وسله غورزولې او غواړي پر امن ژوند تېر کړي. پو ښتنه داده چې په رښتيا هم دا بلوڅ جنګيالي وي او که څنګه؟ دا او ورسره نوري پوښتنې د مشال تر رڼا لاندي بحث کې څيړو. د بلوچستان سنير وزير عبدالرحيم زيارتوال، د بلوچستان نيشنل پارټي يو مشر پخوانی سنيټر ثنا بلوڅ، او په کوټه کې خبريال او څېړونکی سيد علي شاه مو د بحث مېلمانه دي. د دې بحث کوربه عبدالحی کاکړ دی.