منور شاه له ۲۰۱۰ز کال راهيسې د مشال رېډیو همکار دی. هغه د تعلیم په هکله د اوونيزې خپرونې "روښانه مستقبل" کوربه هم پاتې شوی دی او پر بېلابېلو سیاسي، امنیتي او ټولنیزو موضوعاتو راډیويي، لیکلي او ویډیويي راپورونه جوړوي.
روسي ځواکونه په اوکراین کې دوکانونه او بېنکونه لوټي. امنیتي کېمرې ښيي چې د روسيې ځواکونه شوکي کوي. اوکرایني چارواکي ادعا کوي چې د حملو شروع کولو پر وخت روسي ځواکونو یوازې د درې ورځو لپاره خواړه لرل
امریکايي ولسمشر جو بایډن کانګرس ته د وفاقي حکومت د حالت په اړه په خپله کلنۍ وینا کې پر اوکراین د روسیې د حملې غندنه وکړه او ویې ویل چې هېواد یې له خپلو ملګرو سره په ګډه پر روسیې یوشمېر بندیزونه لګولي چې له وجې به یې هغه هېواد د اربونو ډالرو له تاوان سره مخامخ شي. روسي ولسمشر ولادیمیر پوتین د فبرورۍ
په داسې حال کې چې د روسيې ځواکونه د اوکراين سرښار کییف محاصره ټینګوي، یوې څارګرې کیمرې د خلکو د استوګنې پر یوه ګڼ پوړیزې ودانۍ د توغندي لګېدل رېکارډ کړي دي. روسې د فبرورۍ په ۲۴ مه په یوکرېن یرغل کړی او دا ویډیو د فبرورۍ پر ۲۶ مه رېکارډ شوې ده.
دا په داسې حال کې ده چې پر اوکراین د روسیې تر حملې وروسته هلته پر څلورمه ورځ جګړه روانه ده. د اوکراینۍ پلازمېنې کییف اوسېدونکي وايي، د فبرورۍ له ۲۷مې نېټې له پیلېدو سره سم په ښار کې یوه درنه او نورې وړې چاودنې شوې دي.
د شام په دیر الزور سیمه کې امریکايی ځواکونه د شام له جمهوري ځواک سره ګډ پوځي مشقونه کوي. دا ځواک چې زیاتره یې کردان دي، د شام د ولسمشر بشارالاسد پر ضد جګړه کوي خو دا مهال یې تر ټولو لوی هدف له سیمې د داعش وسله والو ختمول دي.
که څه هم په عربي هېوادونو کې زیاتره وخت د اسونو او اوښانو سیالۍ کېږي خو د متحده عربي اماراتو په ځینو کلیوالو سیمو کې اوس هم خلک د غوایانو د جنګ روایتي او تاریخي سیالۍ خوښوي، خو د غوایانو د جنګ دا سیالۍ د سپېن او مېکسیکو له سیالیو توپير لري.
په دا وروستیو کې د هند د کرناټک ریاست په تعلیمي ادارو کې پر حجاب د بندېز خلاف مسلمانانو احتجاجونه پیل کړي. حکومت مخالفو ګوندونو هم د حکومت پر دې اقدام نیوکې کړې خو حکومت وايي ټولنیزې تګلارې یې د ولس په ګټه دي. دا چې پر حجاب بندېز ته د عربي هېوادونو خلک څنګه ګوري؟ تفصیل په ویډیويي راپور کې
د نړۍ په ګڼو هېوادونو کې د فبرورۍ ۱۴مه د مينانو د ورځې په توګه ولمانځل شوه، خو په ځينو هېوادونو کې خلکو ته د دې ورځې د لمانځلو موقع یا اجازه نه وه. بلخوا په ځینو هېوادونو کې خلکو حيوانان هم د مینانو د ورځې په خوشحالیو کې شریک کړل او هغوی ته یې ښه خواړه، ګلونه او ډالۍ ورکړې.
د فبرورۍ ۱۴ مه د نړۍ د نورو هېوادونو په څېر په کابل کې هم د وېلنټاینز ډې یا د میینانو د ورځې په توګه لمانځل کېده، خو سږکال د طالبانو تر واکمنۍ لاندې په کابل کې په دې ورځ د پام وړ هلې ځلې تر سترګو نه شوې. ځینې خلک د میینانو ورځې په نه لمانځلو خوشحاله دي خو ځینې بیا تېر وختونه يادوي.
د افغانستان د فاریاب ولایت د میمنې ښاروال داملا محب الله موافق وايي، غوښتل یې چې ډاکتر شي او د خپلو هېوادوالو خدمت وکړي خو په وینا یې، په ۲۰۱۶ز کال کې حالاتو د جګړې ډګر ته په تګ مجبور کړ. ۲۵ کلن موافق وايي،
په مصر کې د "زار" په نامه یوه تاریخي او دودیزه موسیقي کېږي او سندرغاړي یې وايي چې په دې کې له پېریانو سره خبرې کوي او ورڅخه له کورونو د وتلو غوښتنه کوي. هغه سندرغاړي وايي، اوس دا دود د ختمېدو له خطر سره مخامخ دی او په کار ده دوام ومومي او ژوندی اوسي. نور د رویټرز اژانس په ویډیويي رپورټ کې.
د رسنیو د څار لپاره د روس سرکاري ادارې "روسکومنادزور" له ازادې اروپا ازادي راډیو غوښتنه کړې چې د خپلو دوو تر ټولو لویو څانګو ازادي راډیو او کرنټ ټایم نه د روس د حکومت مخالفه سیاستوال الیکسي نوالني د پلټنو په هکله معلومات لرې کړي.
په افغانستان کې د ګرمو سیمو دولتي پوهنتونونه د فبرورۍ پر دویمه د نجونو پرمخ بیا خلاص شول. د ننګرهار پوهنتون زده کوونکي وايي، اوس نجونه په بېل وخت کې او هلکان جلا زده کړې کوي. د ۲۰۲۱ز کال د اګست په نیمايي کې پر افغانستان د طالبانو له واکمنېدو راهیسې په زیاتره ولایتونو کې تر شپږم ټولګي وروسته د نجونو
ترکيه د شام په شمال خیځ کې په عفرین سیمه کې يوه وسله واله ډله روزي چې د شام جمهوري ځواک (ایس ډي ایف) پر ضد ده. د ایس ډي ايف ډيری غړي کردان دي او د کردانو يوې بلې ډلې، پي کی کی سره ښې اړيکې لري چې د ترکيې لخوا ترهګره ګرځولې شوې. د دې ډلې د روزنې په اړه نور حال د منورشاه په دې ويډيو راپور کې
په افغانستان کې د طالبانو حکومت هڅه کوي چې خپلو وسله والو ته د پوځي روزنې په ورکولو یو منظم پوځ جوړ کړي. دوی د امریکا ملاتړ لرونکي پخواني افغان حکومت له ځواکونو جدید پوځي ګاډي، وسله او نور دفاعي سامانونه ترلاسه کړي دي. یو امریکايي شنونکی وايي چې د جدید جنګي سامان استعمال به د طالبانو لپاره ستونزه نه
په ترکي کې هر کال د اوښانو د کبډي تاریخي میله کېږي، چې پکې خلک سینګار کړي اوښان د سیالیو لپاره راولي او دوه، دوه اوښان په پرځولو ورځي. د اوښانو په کبډي کې د ګټې یا بېلات هم ځانګړی حساب کتاب دی چې پکې که یو اوښ د خپل مخالف زین زمکې ته ولګوي، یا ترې چغې اوباسي، او یا یې په تېښته مجبور کړي نو بریالی ګڼ
د بلغاریا په غرییزه سیمه کې مېشت مسلمانان یو ځانګړی دود لري چې ناوې د واده په ورځ تر نکاح پورې سترګې بندې ساتي. دوی اکثر ودونه په ژمي کې کوي او پکې مېلمنو ته د ناوې ټول سامانونه هم ښوول کېږي. د اژانس فرانس پرېس ویډیويي رپورټ.
د هندو مذهب ځينې منونکي پښې ابلې په سور انګار ګرځي او په ګرمو کړو تېلو کې لاس وهي. دوی دا کار د هندوانو په مذهب کې په ځان د قابو ساتلو لپاره د ځانګړې دېوي اییپا سوامي د لمانځلو لپاره په کلني رسوماتو کې کوي. په دې اړه د رويټرز خبري اژانس له ويډيو جوړ کړی د منور شاه راپور وګورئ.
ملګرو ملتونو له افغانستان سره د بشري مرستو لپاره له نړیوالو د پنځه اربه ډالرو غوښتنه کړې ده. د ۲۰۲۱ز کال په اګست کې د طالبانو لخوا د افغانستان واک ترلاسه کولو وروسته ملګرو ملتونو وخت په وخت ویلي چې دغه هېواد د بشري ناورین اړخ ته روان دی.
نور وښیئ
