جګړې په تورخم کې د افغان کډوالو کډې ایسارې کړې دي
ستاسې سېسټم د HTML5 په چلولو کې ستونزه لري.
د پاکستاني او طالب سرتېرو ترمینځ روانې جګړې هغه افغان کډوال سخت اغېزمن کړي دي چې له پردېسۍ وطن ته پر لاره دي. دوی د مارچ پر پینځمه په تورخم کې مشال راډیو ته وویل، د پاکستان د پرېکړې پر اساس او د پولیسو له خوا په پرله پسې ډول له ځورول کېدو وروسته یې کډې بار کړې او افغانستان ته روان شول خو لا له تورخمه نه ول اوښتي چې جګړه شروع شوه. ځینو یې د مشال راډیو له لارې د پاکستان له حکومته غوښتنه وکړه چې ورته دې افغانستان ته د اوړېدو اجازه ورکړي. دغه کډوال همدا رنګه شکایت کوي چې پر ډاګ ولاړ او د روژه ماتي او چربانګ (سحرۍ) له سهولتونو هم بې برخې دي. پاکستاني چارواکو تراوسه د دغو کډوالو د برخلیک په اړه څه نه دي ویلي.
د مشال راډیو خبریال له تورخمه دا راپور رالېږلی.