د پاکستان حکومت ويليچې تر کوچني اختر وروسته غواړي خپلو ټولو وګړو ته د کووېډ-۱۹ واکسين ولګوي.
د وزیراعظم عمران خان د روغتيايي برخې سلاکار ډاکټر فیصل سلطان پر فېسبوک د خلکو پوښتنو ځوابولو په وخت ويليچې د "حکومت اعلانونو ته پام وکړئ او هر وخت چې تاسو ته وويل شول، ځانونه د واکسينولو لپاره رجسترډ کړئ."
هغه وايي: ''د خپل شناختي کارډ نمبر ۱۱۶۶ شمېرې ته د موبايل فون د لارې په میسيج کې ولېږدوئ. که انټرنېټ درسره وي نو د نادرا پر وېبسايټ هم ځان رجسټرولی شئ. کله چې حکومت ته ستاسو د شناختي کارډ نمبر ورسېږي نو څه وخت وروسته به تاسو ته يو ميسيج يا پېغام درشي. بيا د کورونا وایرس [ناروغۍ] واکسينو نېزدې مرکز کې وخت واخلئ او واکسين ولګوئ. که تبه لرئ نو په هغه ورځ واکسين مه لګوئ. د تبې تر ختمېدو څو ورځې وروسته واکسين وکړئ.''
د پاکستان صحت وزارت پر وېبسايټ د ورکړل شوو معلوماتو ترمخه، د کورونا وایرس ناروغۍ واکسين له ۱۸ کلونو څخه زیات عمر لرونکو لپاره دي. حکومت هره اوونۍ نوي واکسين واخلي چې د ۷۰ فیصده وګړو د واکسينولو هدف پوره کړي.
دې وزارت د عامه پوهاوي په کمپاين کې ويلي چې که څوک واکسين و هم کړي بايد له کورونا وایرس څخه د ځان ساتنې د لارښوونو سرغړونه و نه کړي. په دې لارښوونو کې د تمبوزک (ماسک) وهل، له يوه بله فاصله او لاس بيا بيا په صابون مينځل شامل دي.
دا هم وګورئ:
په بلوچستان او خيبرپښتونخوا کې دکانداران په سخت ټولبند خوشاله نه ديد کورونا وایرس مخنيوي لپاره ټولې تعلیمي ادارې وتړل شوېپه سوات کې له کورونا وایرسه "هوټلونو ته نهه نيم اربه روپۍ تاوان" رسېدلید خيبر پښتونخوا په صحت اداره کې د عامې روغتيا د برخې مشر، ډاکټر اکرام الله خان وايي په پاکستان کې د چين او روسیې واکسين کارېږي چې په دوو خوراکونو (ډوزونو) د ستنو له لارې لګېږي. يوه ستنه یې تر بلې هغې درې يا څلور هفتې وروسته وي.
نوموړی په دې اړه زیاتوي: ''په اوس وخت کې موږ په خيبر پښتونخوا کې د چين ساينوفام واکسين کاروو. تجربو ښوولې چې دا واکسين ۸۵ فیصده اغېزناک دي. دا واکسين په خلکو کې د کورونا وایرس پر وړاندې مدافعتي قوت جوړوي. ځينې خلک ترې وېرېږي چې داسې بايد نه وي ځکه چې دا واکسين څوک نه ناروغه کوي. يوازې دومره ده چې د واکسينو تر کولو وروسته سمدستي د دې اثر نه وي بلکې څو ورځې ورته پکار دي چې دا خپل اغېز وښيي.''
د ډاکټر اکرام الله خان په وينا تر واکسينو وروسته هم یو څوک ناروغېدلای شي خو دا دومره سرسري وي چې څوک پکې هسپتال ته تګ ته نه مجبورېږي.
کورونا وایرس د ۲۰۱۹ز کال په اخره کې په چين کې پېدا او وروسته په نړۍ کې خپور شو. اوسمهال د دې وايرس نوې بڼې هم مخې ته راغلې دي. خو د پاکستان صحت وزارت د عامه پوهاوي د کمپاين له لارې خلکو ته وايي چې په دې ملک کې موجود واکسين د کورونا وایرس د ټولو بڼو لپاره ښه ثابت شوي دي.