د پاکستان د بشري حقونو کميشن د خېبر پښتونخوا څانګې مشر شېرمحمد وايي، چې د پښتنو قبایلي سیمو ولس له کلونو راهیسې د ترهګرو او پوځ تر منځ دلېږي.
د پاکستان د بشري حقونو کميشن او د سېنېټ د بشري حقونو کميټۍد شمالي وزيرستان په ميرلي سيمه کې د تير زيارت په ورځ پر ولسي ابادۍ د امنيتي سرتيرو لخوا بمباري په سختو ټکو وغندله.
د بشري حقونو کميشن وايي، په قبايلي سيمو کې پوځ له خلکو سره داسې ناروا سلوک کوي چې پرادې ملکونو به يي ورسره هم ونه کړي .
د پاکستان د بشري حقونو کميشن د خېبر پښتونخوا څانګې مشر شېرمحمد له مشال راډيو سره په خبرو کې وویل چې د پښتنو قبایلي سیمو ولس له کلونو راهیسې د ترهګرو او پوځ تر منځ دلېږي. او کله چې عام پښتون ولس ووژل شي نو پوځ ورته د ترهګرو نوم ورکوي.
بلخوا له مشال راډیو سره په خبرو کې د سېنېټ د بشري حقونو د کميټۍ مشر افراسیاب خټک وايي که چېرې د پاکستان لخوا د قبايلی سيمې ولس سره دا رويه راوانه وي نو د پاکستان فېډريشن ته به خطر رامخې ته شي.
ستاسې سېسټم د HTML5 په چلولو کې ستونزه لري.
بشري حقونو کمیشن په شمالي وزیرستان کې د ولسي وګړو وژنه وغندله