په سوات کې د انتخاباتي کمېشن کارکوونکي د فبرورۍ اتمې په ټاکنو کې کارول شوې رایې شماري.

پاکستان کې تر انتخاباتو وروسته د نتیجو شېبه په شېبه حال

فبروري 08, 2024

پامیر ساحل

په پاکستان کې د فبرورۍ پر اتمه د قامي او صوبايي اسمبلیو څوکیو ډکولو لپاره انتخابات کېږي. پر دې پاڼه د ټاکنو بهیر په اړه شېبه په شېبه معلومات خپرېږي.

د انتخاباتو په اړه د خبرونو لنډیز

په پاکستان کې په پارلېماني انتخاباتو کې د رایې اچونې بهیر پای ته له رسېدو سره سم، د رایو شمېر پیل شو چې لا هم روان دی. په هغه هېواد کې انتخابات د فبرورۍ پر اتمه د پېښور له وخت سره سم سهار پر اتو بجو پیل او د ماښام پر پینځو پای ته ورسېدل.
د پاکستان حکومت د انتخاباتو لپاره په ټول هېواد کې عمومي رخصتي اعلان کړې وه.
د پاکستان د بهرنیو چارو وزارت د انتخاباتو پر ورځ له افغانستان او ایران سره د تګ راتګ ټولې لارې تړلې وې. وزارت د فبرورۍ پر اوومه په بیان کې وویل چې پولې د فبرورۍ پر نهمه بیا پرانیزي.
ټولټاکنې پر داسې مهال وشوې چې د فبرورۍ پر اتمه په ټانک او ډېره اسماعیل خان کې په دوو بریدونو کې پینځه پولیس او یو پوځي سرتېری ووژل شول. تر دې یوه ورځ مخکې د سیند په مرکز کراچۍ او د بلوچستان په پښتون مېشته سیمو پښین او کلا سیف الله کې د انتخاباتي نوماندانو له دفترونو سره نېږدې په چاودنو کې ۳۰ تنه ووژل او تر ۳۰ زیات ژوبل شول.
د مشال راډیو خبریالان وايي چې په بېلابېلو ښارونو کې انتخاباتي بهیر ارام روان وو.
د پاکستان د کورنیو چارو وزارت ویلي دي چې د امنیت ټینګښت لپاره یې د موبایل ټېلېفون شبکه او انټرنېټ په لنډمهالي ډول ځنډولي دي.
د موبایل ټېلېفوني شبکې او انټرنېټ ځنډولو د ګوندونو، فعالانو او د بشري حقونو کمېشن غبرګونونه پارولي دي. کمېشن پر حکومت غږ کړی دی چې ژر تر ژره دې شبکه او انټرنېټ بحال کړي.

11:41 8.2.2024

په پاکستان کې د انتخاباتو په اړه انځوریزه ګالري

په پاکستان کې د فبرورۍ پر اتمه خلکو د قامي او صوبايي اسمبلیو د څوکیو ډکولو لپاره د رایو کارول پیل کړل. د انتخاباتي بهیر په اړه لاندینۍ انځوریزه ګالري وګورئ.

په پاکستان کې خلک په پارلېماني انتخاباتو کې ووټ اچوي

1/20 په لاهور کې یوه انتخاباتي چارواکې تر رایې ورکولو مخکې د یوې ښځې ګوته رنګوي.

2/20 په سوات کې په یوه پولېنګ سټېشن کې ښځې د ووټ اچولو لپاره ورغونډې شوې دي.

3/20 چارواکي وايي په پېښور کې یې د انتخاباتو امنیت لپاره اقدامات کړي دي. په دې انځور کې د ښار بالاحصار قلعه ښکاري.

4/20 په لاهور کې ښځې په یو پولېنګ سټېشن کې د رایې کارولو لپاره په قطار کې ولاړې دي.

5/20 د کوز جنوبي وزیرستان په مرکزي ښار واڼه کې خلک په بازار کې روان دي.

6/20 په لاهور کې یوه ښځه خپله رایه کاروي.

د کوز جنوبي وزیرستان د مرکز واڼه په بازار کې  تر انتخاباتو یوه ورځ مخکې د خلکو ګڼه ګوڼه. — 7/20 د کوز جنوبي وزیرستان د مرکز واڼه په بازار کې تر انتخاباتو یوه ورځ مخکې د خلکو ګڼه ګوڼه.

8/20 د خیبر پښتونخوا په ډېره اسماعیل خان کې پولیس د انتخاباتي مرکزونو امنیت ته تر روانېدو مخکې.

9/20 په ډېره اسماعیل خان کې د ټرافیکو پولیسو یو سرتېری ګاډو ته د تېرېدو اشاره کوي.

10/20 په کراچۍ کې د انتخاباتي چارو کارکوونکو د فبرورۍ پر اوومه د رایو ورکولو مرکزونو ته د ووټ پرچې او بکسونه ولېږدول.

11/20 په کراچۍ کې انتخاباتي چارواکي د رایو بکسونه تړي.

12/20 د خیبر پښتونخوا ګورنر غلام علي (ښي لوري ته) د فبرورۍ پر شپږمه د مشال راډیو خبریال ګل ایاز ته وویل چې په صوبه کې یې د انتخاباتو امنیت لپاره انتظامات کړي دي.

13/20 په ډېره اسماعیل خان کې پولیس سرتېري د فبرورۍ اتمې عامو انتخاباتو د امنیت لپاره تر ځای پر ځای کېدو مخکې ولاړ دي.

14/20 په پېښور ښار کې د بېلابېلو نوماندانو اشتهارونه لګېدلي دي.

15/20 په پېښور ښار کې تر انتخاباتو یوه ورځ مخکې ګڼه ګوڼه کمه برېښېده.

د بلوچستان په پښتون مېشته سیمه پښین کې د فبرورۍ پر اوومه د یو ازاد نوماند په انتخاباتي دفتر کې <a href="https://www.mashaalradio.com/a/dozens-killed-and-injured-in-balochistan-blasts/32808847.html" target="_blank">چاودنې ۱۷ تنه ووژل</a> او ګڼ نور ژوبل شول. — 16/20 د بلوچستان په پښتون مېشته سیمه پښین کې د فبرورۍ پر اوومه د یو ازاد نوماند په انتخاباتي دفتر کې چاودنې ۱۷ تنه ووژل او ګڼ نور ژوبل شول.

تر انتخاباتو یوه ورځ مخکې د بلوچستان په پښتون مېشته سیمه کلا سیف الله کې د جمعیت علمای اسلام (ف) د نوماند انتخاباتي دفتر ته څېرمه په <a href="https://www.mashaalradio.com/a/dozens-killed-and-injured-in-balochistan-blasts/32808847.html" target="_blank">چاودنه کې ۱۰ تنه ووژل</a> او یوشمېر ژوبل شول. — 17/20 تر انتخاباتو یوه ورځ مخکې د بلوچستان په پښتون مېشته سیمه کلا سیف الله کې د جمعیت علمای اسلام (ف) د نوماند انتخاباتي دفتر ته څېرمه په چاودنه کې ۱۰ تنه ووژل او یوشمېر ژوبل شول.

18/20 په کوټه کې مرستندویه کارکوونکي د فبرورۍ اوومې په چاودنه کې ژوبل کس د روغتون د بیړنیو طبي خدماتو څانګې ته لېږدوي.

19/20 په پېښور ښار کې د بېلابېلو نوماندانو انتخاباتي اشتهارونه لګېدلي دي.

20/20 په سوات کې انتخاباتي چارواکې تر ووټ کارولو مخکې د یوې ښځې ګوته رنګوي.

11:45 8.2.2024

په پېښور کې د رایې اچونې بهیر څنګه روان دی؟

لیکوال/لیکواله ګل ایاز

د مشال راډیو خبریال ګل ایاز په پېښور کې د رایې اچونې له مرکزه تازه حال راکوي.

په پېښور کې د انتخاباتو له مرکزه ژوندی پوښښ

نښلول

په پېښور کې د انتخاباتو له مرکزه ژوندی پوښښ

په لاس د مشال راډیو

نښلول

پلنوالی px لوړوالی px

هېڅ میډیايي سرچینه اوس نشته

0:00 0:01:58 0:00

11:50 8.2.2024

په پاکستان کې د قامي او څلورواړه صوبايي اسمبلیو د څوکیو ډکولو لپاره عام انتخابات پیل شوي دي چې پکې ټاکل شوې چې مېلیونونه وګړي برخه واخلي.

د انتخاباتي کمېشن له مهالوېش سره سم، د رایې اچونې بهیر د فبرورۍ اتمې پر سهار اته بجې (د کابل اووه نیمې) پیل شو چې بې له ځنډه به د ماښام تر پینځو بجو پورې روان وي.

په پېښور کې د مشال راډیو خبریالان وايي، د ښار په بېلابېلو برخو کې د رایې اچونې بهیر روان دی. سهار مهال د خلکو شمېر زیات نه وو خو انتخاباتي چارواکي هیله لري چې د ورځې په اوږدو کې به دا بهیر ګړندی شي.

د پېښور په ګډون د پاکستان په زیاتره لویو ښارونو کې د ګرځنده ټېلېفون انټرنېټي خدمات ځنډول شوي دي.

په کوټه او کراچۍ کې د مشال راډیو خبریالان وايي، د فبرورۍ اوومې پر بریدونو سربېره خلک د رایې اچونې مرکزونو ته ځي.

په دې اړه بشپړه لیکنه دلته ولولئ.

11:59 8.2.2024

د انتخاباتي بهیر په اړه پر فېسبوک د مشال راډیو ژوندۍ خپرونه

لیکوال/لیکواله اسرار عالم مومند

پر فېسبوک د مشال راډیو لومړۍ ژوندۍ ویډیويي خپرونه دلته وګورئ.

نور وښیئ