رضوان الله په لوبو کې د سرو زرو میډالونه ګټلي خو اوس مزدوري کوي
د خیبر پښتونخوا د باجوړ رضوان الله له ۱۰ کالو د مکس مارشل ارټ او جمناسټک لوبغاړی دی او د صوبې تر څنګ یې د پاکستان په کچه هم مهمې جایزې ګټلې دي. دی وايي د چارواکو له خوا د نه مرستې او مجبورۍ له امله اوس مردان ته کډه شوی او هلته د ډبرو په یو کارخانه کې مزدوري کوي. دی وايي له مزدوریو سره یې خپله لوبه هم جاري ساتلې ده. د مشال راډیو خبریال عظمت علي شاه ورسره غږېدلی دی.