افتاب شېرپاو: د تیرا عملیاتو لپاره وخت مناسب نه دی
د پاکستان د قامي وطن ګوند مشر افتاب احمد خان شېرپاو وايي، په کنګل ژمي کې د خيبر له تيرا څخه خلک کډو کولو ته مجبورول په ولس کې ناهیلې خپروي. د پاکستان د کورنیو چارو پخواني مرکزي وزیر او د خیبر پښتونخوا پخواني اعلاوزير شېرپاو د جنورۍ پر ۲۰مه مشال راډیو ته وویل چې د خیبر پښتونخوا حکومت د خپل وس مطابق له کډوالو سره د مرستو هڅه کوي، خو د هغه په وينا، په انتظامي ډول حالت بيا هم ډېر خراب دی. دا په داسې حال کې ده چې پوځ د خیبر د تیرا میدان خلکو ته امر کړی چې د جنورۍ تر ۲۵مې خپلې سیمې خالي کړي ځکه چې دوی هلته د وسلوالو خلاف عملیات کول غواړي. له افتاب احمد خان شېرپاو سره بشپړه ويډيويي مرکه وګورئ.